Asnovu vydańniaŭ, jakija vystaŭleny na sioletni vielikodny rasprodaž Arche, składajuć pazicyi, jakija nikoli raniej nie pradavalisia sa źnižkami. Zbolšaha heta apošnija biestselery, jakija dobra razychodziacca i biez dadatkovaj rekłamy. Heta vysokajakasnyja daśledavańni ab našaj historyi, kultury, movie i identyčnaści.
Pra toje, jak atrymać vydańni, čytajcie na sajcie časopisa Arche.
Vašaj uvazie prapanujecca:
U daśledavańni pakazvajecca, jak Vialikaje Kniastva Litoŭskaje ŭpieršyniu nabyło vahu na mižnarodnaj arenie. Razhladajecca šlach Litvy da vieličy pad uładaj Hiedymina, a taksama zakranajucca dasiahnieńni jaho papiarednika i brata Vicienia (1295—1315) i jaho vybranaha nastupnika Jaŭnuta (1342—1345). Najbolšaja ŭvaha nadajecca tamu, jak Vialikaje Kniastva vykarystoŭvała vajskovyja i palityčnyja słabaści susiedziaŭ, manipulavała kanfiesijnymi miežami katalictva ŭ Prybałtycy i pravasłaŭja na Rusi, a taksama jaho dypłamatyja ŭ adnosinach z zamiežnymi ŭładarami, jakija byli hatovyja jak vystupić razam z pahanami-litoŭcami (i žanicca z pahanskimi kniazioŭnami), tak i padtrymlivać kryžovyja pachody suprać ich.
U hetaj knizie razhladajecca adnosna mała daśledavanaja źjava pieryjadu Druhoj suśvietnaj vajny — kałabaracyja miascovaha nasielnictva Biełarusi ź niamieckimi akupacyjnymi ŭładami. Zroblena sproba praanalizavać kałabaracyju jak źjavu. Analiz kałabaracyi vyjaŭlaje taksama matyvy pavodzinaŭ ludziej i reakcyju hramadstva, jakoje apynułasia ŭ ekstremalnym, nienarmalnym stanoviščy.
Antanas Ciła. Skarb Vialikaha Kniastva Litoŭskaha padčas Dvaccacihadovaj vajny (1648—1667 hh.); pierakład ź litoŭskaj movy Alesia Mikusa. — Smalensk: Inbiełkult, 2015.
384 s.
U hetaj pracy aŭtar imkniecca pakazać realnaje funkcyjanavańnie skarbu Vialikaha Kniastva Litoŭskaha padčas viadzieńnia hetaj dziaržavaj vajennych dziejańniaŭ u 1648—1667 hh.: farmavańnie biudžetu, jaho asablivaści, typy padatkaŭ, pastupleńni srodkaŭ, ich štohadovuju dynamiku i suadnosiny z sapraŭdnymi patrebami, udzieł palityčnaha hramadstva i ŭsich žycharoŭ krainy ŭ vyrašeńni zadač pa achovie i abaronie dziaržavy, a asabliva pa vyzvaleńni krainy ad niepryjaciela. Šmat uvahi pryśviačajecca rašeńniam paviatovych sojmikaŭ VKŁ pa padatkach, dobraachvotnaj padtrymcy skarbu z boku pavietaŭ, a taksama pastanovam Haradzienskaj kanvakacyi, dziejnaści pradstaŭnikoŭ VKŁ na sojmach pry padrychtoŭcy kanstytucyj VKŁ, asabliva na siesijach, jakija adbyvalisia ŭ Litvie, ich suviazi sa zboram srodkaŭ u skarb i farmavańniem dziaržaŭnaha biudžetu. Robicca sproba raskryć asabistyja namahańni ŭradnikaŭ VKŁ i inšych hramadzian pa abaronie i vyzvaleńni dziaržavy ad akupantaŭ.
Arturas Dubonis. Lejci vialikaha kniazia litoŭskaha: z historyi rańnich dziaržaŭnych struktur litoŭskaha hramadstva; pierakład ź litoŭskaj movy Ramana Urbanoviča. — Smalensk: Inbiełkult, 2015. — 146 s.
Hetaja kniha — daśledavańnie naradžeńnia, raźvićcia i zaniapadu ŭ Vialikim Kniastvie Litoŭskim słužyłaha sasłoŭja lejciaŭ. Lejci słužyli ŭ jakaści pamiežnaj varty, abaraniali zamki, pradstaŭlali vielikakniaskuju ŭładu na ŭskrainach i ŭtajmoŭvali niezadavolenych joj; paźniej jany dahladali koniej haspadara i supravadžali jaho ŭ padarožžach. Praz zvykłuju sučasnamu čytaču strukturu palityčnych i ekanamičnych adnosin, na jakich hruntavałasia Vialikaje Kniastva Litoŭskaje, u knizie prastupaje struktura asabistych suviaziaŭ pamiž jaho ludźmi, ad haspadara da słužyłaha lejcia.
Apazicyja Biełaruskaha Narodnaha Frontu ŭ Viarchoŭnym Saviecie Biełarusi CHII sklikańnia: dakumienty, fakty, kamientaryi / układańnie A. V. Kurjanoviča. — Smalensk: Inbiełkult, 2015. — 800 s.
U składzie zbornika drukujucca šmatlikija dakumienty i materyjały, datyčnyja dziejnaści parłamienckaj apazicyi Biełaruskaha Narodnaha Frontu ŭ Viarchoŭnym Saviecie Biełarusi CHII sklikańnia (1990—1995 hh.). Mnohija ź ich publikujucca ŭpieršyniu, na asnovie archiŭnych aryhinałaŭ. Teksty dakumientaŭ supravadžajucca hruntoŭnymi kamientarami ŭkładalnika, a taksama bahatym ilustratyŭnym materyjałam. U hetaj knizie pad adnoj vokładkaj sabranyja asnoŭnyja pracy viadomaha biełaruskaha navukoŭca, pryśviečanyja raznastajnym kirunkam jahonych navukovych zacikaŭleńniaŭ: prablema ŭtvareńnia i terytaryjalnaha farmavańnia Vialikaha Kniastva Litoŭskaha, histaryčnaja hieahrafija i kartahrafija, hienieałohija, histaryčnaja demahrafija i inš.
Viačasłaŭ Nasievič. Biełarusy: stanaŭleńnie etnasu i nacyjanalnaja ideja. — Smalensk: Inbiełkult, 2015. — 526 s.
U hetaj knizie pad adnoj vokładkaj sabranyja asnoŭnyja pracy viadomaha biełaruskaha navukoŭca, pryśviečanyja raznastajnym kirunkam jahonych navukovych zacikaŭleńniaŭ: prablema ŭtvareńnia i terytaryjalnaha farmavańnia Vialikaha Kniastva Litoŭskaha, histaryčnaja hieahrafija i kartahrafija, hienieałohija, histaryčnaja demahrafija i inš.
Vitald Biarnacki. Paŭstańnie Chmialnickaha: Vajennyja dziejańni ŭ Litvie ŭ 1648—1649 h.; pierakład z polskaj movy Antona Kuźmiča. — 2-je vyd. — Smalensk: Inbiełkult, 2015. — 183 s.
Kniha pryśviečanaja padziejam na litoŭskim teatry vajennych dziejańniaŭ naprykancy leta i ŭvosień 1648 h. i ŭzimku 1649 h., a taksama letniaj kampanii kniazia Januša Radziviła, što skončyłasia jahonaj bliskučaj pieramohaj nad konnaj kazackaj armijaj pad Łojevam 30 lipienia 1649 h.
Palitalohija = Politikwissenschaft: Paniaćci. Analizy. Teoryi: Asnoŭny kurs / H. Miunkler, I. Fečer, V.-D. Nar i inš.; Pierakład ź niamieckaj movy: V.Bułhakaŭ i inš. — Vyd. 2-je. — Smalensk: Inbiełkult, 2015. — 677 s.
Vydańnie raźličana na studentaŭ humanitarnych śpiecyjalnaściaŭ, prafiesijnych palitykaŭ i palitołahaŭ, a taksama ŭsich, kaho pakidaje nieabyjakavym palityčnaja prablematyka.
Andrej Katlarčuk. U cieniu Polščy i Rasiei. Vialikaje Kniastva Litoŭskaje i Švecyja ŭ časie eŭrapiejskaha kryzisu siaredziny XVII st.; pierakład z anhielskaj movy Volhi Kałackaj. — 2-je vyd. — Smalensk: Inbiełkult, 2015. — 305 s.
U manahrafii znajšli adlustravańnie sproby Vialikaha Kniastva Litoŭskaha zaklučyć dziaržaŭnuju uniju sa Šviecyjaj padčas vajny Rečy Paspalitaj z Maskoŭskaj dziaržavaj 1654—1667 hh.
Kampanija 1660 hodu ŭ Litvie / Kšyštaf Kasažecki; pierakład z polskaj movy Antona Kuźmiča. — 2-je vyd. — Smalensk: Inbiełkult, 2015. — 330 s.
U knizie apisvajucca vajennyja dziejańni pamiž Rečču Paspalitaj i Rasiejaj u 1658—1660 hadoch. Jana achoplivaje najezd kniazia Ivana Chavanskaha, jaho dziejańni na Navahradčynie, a potym nastup litoŭskich i polskich vojskaŭ, jaki dazvoliŭ prahnać maskoŭskija vojski za Dźvinu i Dniapro. U jaho ramkach znachodziacca apisańni bitvaŭ pad Pałonkaj, na Basi, pad Tałačynom i Druckam.
Łuckievič A. Da historyi biełaruskaha ruchu / Anton Łuckievič; układańnie, pradmova, kamientar, anatavany indeks imionaŭ Anatola Sidareviča. — Vyd. 3-je. — Smalensk: Inbiełkult, 2015. — 346 s.
U zbornik adnaho z zasnavalnikaŭ Biełaruskaje Sacyjalistyčnaje Hramady i biełaruskaje dziaržaŭnaści Antona Łuckieviča (1884—1942) uklučanyja jaho najbolš viadomyja tvory, pryśviečanyja historyi biełaruskaha ruchu.
Tomaš Hłavinski. Zabyty harnizon. Adździeły Korpusa pamiežnaj achovy ŭ Iviancy ŭ1924–1939 hadach; pierakład z polskaj movy Alesia Pileckaha. — Vyd. 2-je. — Smalensk: Inbiełkult, 2015. — 142 s.
Kniha pryśviečana historyi adnaho z polskich harnizonaŭ na polska-savieckaj miažy, jaki isnavaŭ u mižvajenny pieryjad. U toj ža čas jany źjaŭlajecca i frahmientam historyi Ivianieckaha kraju. Pavodle aŭtara, heta «apovied ab śviecie, jaki choć i nie idealny, ale abudžaje siońnia ŭ nas santymienty i simpatyju». Hetaja kniha nie jość apoviedam pra vialikuju palityku, vialikija bitvy, ci, narešcie, pra vialikija padziei. Heta apovieść pra małoje miastečka i jaho puščanskija vakolicy, a taksama pra tych ludziej, kamu tut vypała žyć, słužyć i pracavać.
Viciebski krajovy słoŭnik: (materyjały) / Mikoła Kaśpiarovič; pad red. M. Ja. Bajkova i B. I. Epimacha-Šypiły; [pradmova S. Zaprudskaha]. — 3-je vyd., stereatypnaje. — Smalensk: Inbiełkult, 2015. — XIX, 371, [6] s.
Faksimilnaje pieravydańnie słoŭnika, jaki byŭ pieršym z krajovych słoŭnikaŭ časoŭ biełarusizacyi 1920-ch hh., stvoranych u vyniku masavaj krajaznaŭčaj raboty. Słoŭnik składajecca z 9703 słoŭ, zafiksavanych u 591 nasielenym punkcie byłoj Viciebskaj akruhi.
Krajovy słoŭnik Červienščyny / Mikoła Šaternik; pad redakcyjaj M. Ja. Bajkova i B. I. Epimacha-Šypiły; [pradmova S. Zaprudskaha]. — 3-je vyd., stereatypnaje. — Smalensk: Inbiełkult, 2015. — [13], 317 s.
Faksimilnaje pieravydańnie słoŭnika, padrychtavanaha na praciahu 1927 h. nastaŭnikam Navasiołkaŭskaj škoły Puchavickaha rajona Mikałajem Šaternikam (1890—1934). Naličvaje kala 9 tysiač słoŭ. Drukujecca pavodle: Šaternik, M. V. Krajovy słoŭnik Červienščyny / Biełaruskaja Akademija navuk. Adździeł humanitarnych navuk. Kamisija dla ŭkładańnia słoŭnika žyvoj biełaruskaj movy. Pad red. M. Ja. Bajkova i B. I. Epimacha-Šypiły. — Miensk: Vydańnie Biełaruskaje Akademii navuk, 1929. — 328 s.
Biełaruskija havorki ŭ Krasłaŭskim rajonie Łatvii: sacyjalinhvistyčnaje daśledavańnie / Mirasłaŭ Jankoviak; pierakład z polskaj movy Aleny Piatrovič. — Vyd. 2-je, papraŭlenaje. — Smalensk: Inbiełkult, 2015. — 289 s.
U manahrafii analizujucca biełaruskija havorki, jakija funkcyjanujuć u miežach sučasnaj Łatvii. Asnovaj dla jaje staŭ materyjał, sabrany aŭtaram u 2004—2007 hh. u čas palavych daśledavańniaŭ. Razhladajucca moŭnyja rysy biełaruskich havorak (fanetyčnyja, marfalahičnyja, syntaksičnyja i leksičnyja), fenomen ich žyćciovaści, praces rusifikacyi. Paraŭnoŭvajucca statystyčna vybranyja rysy movy aŭtachtonnaha nasielnictva, jakoje karystajecca biełaruskaj havorkaj, z movaj pryježdžych ź Biełaruskaj SSR u Łatvijskuju SSR paśla Druhoj usiaśvietnaj vajny. U manahrafii jość taksama vialiki raździeł pra funkcyjanavańnie biełaruskich havorak siarod inšych movaŭ na hetaj terytoryi i apisvajucca sfery žyćcia, u jakich vykarystoŭvajucca biełaruskija havorki. Raźličana na admysłoŭcaŭ u halinie biełaruskaha movaznaŭstva i ŭsich, chto cikavicca biełaruskaj movaj i biełaruska-bałckim moŭnym pamiežžam.
ARCHE № 9 — 2015. Michał Kleafas Ahinski. Miemuary za 1795-1810 hady. 350 staronak.
Asnoŭnuju častku numara składaje publikacyja pierakładu na biełaruskuju movu ŭspaminaŭ viadomaha polska-biełaruskaha kampazitara i palityčnaha dziejača kanca XVIII – pačatku XIX stst. Michała Kleafasa Ahinskaha «Miemuary pra Polšču i palakaŭ». Pieršaja častka hetych uspaminaŭ, jakaja achoplivała 1788—1794 hh., užo ŭ svoj drukavałasia ŭ «ARCHE» (№ 6 za 2011), u dadzienym numary publikujecca ich praciah, što achoplivaje 1795—1810 hh. Publikacyja prymierkavanaja da 250-hodździa z dnia naradžeńnia Michała Kleafasa Ahinskaha, jakoje šyroka adznačałasia ŭ 2015 hodzie.
ARCHE № 9 (108) — 2011. Aŭstryja: ad impieryi da nacyi. 450 staronak ź ilustracyjami.
Eseistyka Roberta Menase, Karła-Markusa Haŭsa, Marcina Połaka; uspaminy Štefana Cvajha; analityka Žanny Kromier, Jarasłava Šebeka; histaryčnyja daśledavańni Aleha Hardzijenki i Natali Novik; pierakłady kłasikaŭ i sučaśnikaŭ aŭstryjskaj litaratury — Franca Kafki, Rajnera Maryja Rylkie, Artura Šniclera, Inhieborh Bachman, Fryderykie Majrokier, Tomasa Berncharda, Elfryde Jelinek… Hetyja i inšyja aŭtary — u 9-m numary za 2011 hod na 450 staronak ź ilustracyjami.
ARCHE № 1-2 (100-101) — 2011. Vybary 19 śniežnia 2010: Panarama padziei. 277 staronak ź ilustracyjami.
Numar pryśviečany padziejam kanca 2010 hoda: čarhovym prezidenckim vybaram, brutalnamu razhonu Płoščy-2010 i jaho nastupstvam. Asnovu numara skłali śviedčańni vidavočcaŭ padziejaŭ, mierkavańni ekśpiertaŭ.
ARCHE № 4 — 2013. Biełaruś u ciani Paleśsia. 640 staronak.
Numar całkam pryśviečany historyi i kultury Biełaruskaha Paleśsia ŭ XIX—XXI stst. Na jaho staronkach apublikavanyja materyjały pa ahulnaj historyi rehijona i historyi asobnych miascovaściaŭ, bijahrafičnyja, etnałahičnyja i demahrafičnyja daśledavańni, uspaminy. Nazvy publikacyj: «Nacyjanalnyja pracesy ŭ Paleskim vajavodstvie ŭ 1920-ja hh. praz pryzmu vynikaŭ vybarčych kampanij u polski parłamient», «Rečycki chranohraf kanca XVIII— pačatku XX st.», «Miastečka Haradnaja: ad majdeboryi da sielsavietu», «Šani, vioska Pružanskaha pavieta. Ekanamičnaje i sacyjalnaje daśledavańnie».
ARCHE №6 — 2014. Mahnateryja Vialikaha Kniastva Litoŭskaha. 385 staronak.
U numary aśviatlajucca pytańni jak zaradžeńnia mahnackaha stanu ŭ VKŁ, tak i jahonaha dalejšaha raźvićcia dy zaniapadu. Artykuły pryśviečanyja jak asobnym jaskravym postaciam, tak i historyi cełych mahnackich rodaŭ, ich uładańniaŭ dy śpiecyfičnych instytutaŭ, ź imi źviazanych. U numary drukujucca pracy biełaruskich (Nina Skiepjan, Natalla Śliž, Dźmitryj Vićko, Nastaśsia Skiepjan), litoŭskich (Rymvidas Piatraŭskas, Hianucie Kirkienie, Vidas Dalinskas, Ramunie Šmihielskicie-Stukienie, Rajmonda Rahaŭskienie) i polskich (Tomaš Kempa, Andžej Adam Majeŭski, Adam Danilčyk, Kšyštaf Kasažecki, Maryjuš Savicki, Alaksandra Ziobier).
ARCHE №11 — 2014. Haradzienski milenium. 396 staronak.
Asnoŭnaj temaj dadzienaha numara «ARCHE» stała Harodnia jak centr pryciahnieńnia. Hieahrafičnaje stanovišča dało mahčymaść horadu być važnym administracyjnym centram na praciahu stahodździaŭ. Adpaviedna Harodnia paŭpłyvała na rehijon, stała miescam histaryčnych padziej, istotnych nie tolki dla Haradzienščyny, ale i dla krainy. Artykuły numara achoplivajuć pieryjad ad Siaredniaviečča da sučasnaści, dadajučy ŭ ahulnuju skarbonku novyja viedy pa historyi Harodni i Haradzienščyny ŭ śfiery palityki, architektury, kultury, ekanomiki i inš. Siarod aŭtaraŭ numara — Aleh Lickievič, Natalla Śliž, Viačasłaŭ Švied, Andrej Kištymaŭ, Andrej Vaškievič, Taćciana Kasataja i inšyja biełaruskija, polskija i rasijskija daśledčyki.
ARCHE №12 — 2014. Bitva pad Oršaj: miesca pamiaci i kanflikt interpretacyj. 754 staronki.
Numar ujaŭlaje saboj publikacyju bolš čym na 750 staronak z 68 staronkami kalarovaha druku, jakaja prezientuje samy hruntoŭny na siońnia nabor navukovych viedaŭ na biełaruskaj movie ab pieradhistoryi Aršanskaj bitvy, a taksama pra abstaviny i chadu samoj siečy, jaje vyniki i značeńnie dla historyi Biełarusi i Jeŭropy. U numary – bolš za dva dziasiatki tekstaŭ historykaŭ ź Biełarusi, Rasii, Ukrainy, Litvy i Polščy. Siarod aŭtaraŭ numara – Hienadź Sahanovič, Kšyštaf Kviatkoŭski, Hiedyminas Lasmajcis, Uładzimir Kananovič, Konrad Babiatynski, Styven Roŭeł, Viktar Jakubaŭ i inš.
ARCHE №1-2 — 2015. Den Braŭn. «Kod da Vinčy». 420 staronak.
U numary drukujecca poŭny pierakład na biełaruskuju movu kultavaha ramanu Dena Braŭna «Kod da Vinčy» i inšyja artykuły.
ARCHE №3 — 2015. Histaryjahrafija 1920-ch hadoŭ: «doŭhaje XIX stahodździe». Častka 2. Paŭstańni i revalucyi. 732
Numar źjaŭlajecca łahičnym praciaham toŭstaha № 7 časopisa za 2009 hod «Histaryjahrafija 1920-ch: Siaredniaviečča i rańniemaderny čas» i № 9 za 2014 hod «Histaryjahrafija 1920-ch hadoŭ: «doŭhaje XIXstahodździe»: mova i nacyja».
U numary drukujecca vialikaja kniha (300 staronak) Usievałada Ihnatoŭskaha «1863 hod na Biełarusi. Narys padziej», jakaja nikoli nie pieradrukoŭvałasia paśla pieršapublikacyi. Taksama ŭ numary: dvuchsotstaronkavaje daśledavańnie Siarhieja Cytoviča «1863 hod u Hory-Horkach byŭšaj Mahiloŭskaj huberni. (Padziei paŭstańnia)», «Synchranistyčnaja tablica padziej paŭstańnia na Biełarusi, Litvie i Polščy ŭ 1830—1831 hh.» Lavona Babroviča i Ivana Špileŭskaha, «Kastuś Kalinoŭski (k 60-hodździu jaho śmierci). Bijahrafična-histaryčny narys» Ivana Ćvikieviča i inš.
Numar «ARCHE», jaki prapanujecca ŭvazie čytačoŭ, achoplivaje svaim źmiestam asnoŭnyja viechi z historyi polskaha ŭzbrojenaha čynu padčas Druhoj suśvietnaj vajny.
Čytač znojdzie ŭ im artykuły, pryśviečanyja čysta vajskovaj prablematycy (historyja stvareńnia i bajavoha šlachu paasobnych vajskovych farmavańniaŭ), a taksama daśledavańni, jakija tyčacca vajenna-palityčnaj situacyi ŭ Polščy napiaredadni i padčas Druhoj suśvietnaj vajny. Miarkujem, što biełaruskamu čytaču budzie cikava paznajomicca z historyjaj jak rehularnych vajskovych farmavańniaŭ, jakija dziejničali na roznych frantach vajny, tak i z historyjaj niezaležnickaha partyzanskaha ruchu. Tak, artykuł daśledčyka z Hdańska Jaceka Tebinki pryśviečany temie Polščy i polskich vajskovych farmavańniaŭ u jakaści subjekta mižnarodnaj palityki padčas Druhoj suśvietnaj vajny. Trahičnyja padziei vieraśnia 1939 h. i ich nastupstvy źjaŭlajucca pradmietam daśledčyckaj uvahi varšaŭskich prafiesaraŭ Vojciecha Materskaha i Julijuša Tyma. U svaju čarhu, udziełu polskich vojskach na zachodnich frantach vajny tyčacca pracy Januša Zuziaka z Varšavy, Tomaša Hajoŭnika z Olštyna, Paŭła Javorskaha z Urocłava, Jana Škudlinskaha z Hdańska. Historyja stvareńnia i dziejnaści polskich vajskovych farmavańniach na ŭschodnim froncie analizujecca varšaŭskimi daśledčykami Česłavam Hželakam i Źbihnievym Palskim, a taksama historykam z Łodzi Albinam Hłavackim. Prablematycy polskaha niezaležnickaha padpolnaha i partyzanskaha ruchu pryśviečanyja artykuły Andžeja Chmielaža z Varšavy, a taksama daśledčykaŭ z Hrodna Stanisłava Silvanoviča, Vitala Barabaša i Andžeja Pačobuta.
ARCHE № 6 — 2015. Kniazi Radziviły. 302 staronki.
Hety numar zaklikany sadziejničać pašyreńniu viedaŭ biełaruskaha čytača pra słavuty mahnacki rod. Dziela hetaha ŭ numary sabranyja artykuły viadomych historykaŭ ź Biełarusi, Litvy i Polščy, jakija zajmajucca daśledvańniem rodu Radziviłaŭ.Pieraličym nazvy niekatorych artykułaŭ, apublikavanych u numary: «Zakładańnie rodavych tradycyj na prykładzie Mikałaja Mikałajeviča Radziviła», «Karaleva i jaje brat: adnosiny Barbary Radzivił ź Mikałajem Radziviłam Rudym», «Kryštaf Radzivił Piarun — pieršy sienatar Vialikaha Kniastva Litoŭskaha», «Mikałaj Kryštaf Radzivił Sirotka i Bieraściejskaja unija», «Na słužbie karala i Rečy Paspalitaj: udzieł litoŭskaha krajčaha Žyhimonta Karala Radziviła ŭ Smalenskaj vajnie 1632—1634 hh.».
ARCHE № 7–8 — 2015. Artur Hołden «Miemuary hiejšy». 414 staronak.
Asnovu numara składaje pierakład na biełaruskuju movu kultavaha ramana Artura Hołdena «Miemuary hiejšy». U numary taksama drukujucca ŭspaminy ŭradženca Hrodna Ryhora Chasida «Pra Hrodna, žyćcio haradzienskich habrejaŭ da vajny, pra adnosiny z polskim nasielnictvam, pryčyny vitańnia miascovym habrejstvam prychodu Čyrvonaj armii ŭ 1939-m i ab tym, što pryniesła habrejam savieckaja ŭłada» i hutarka z Barysam Kitom pad nazvaj «Ja jość doktar matematyčnych navukaŭ», jakuju zapisaŭ niamiecki historyk Fieliks Akierman napiaredadni 105-hodździa znanaha biełaruska-amierykanskaha navukoŭca.
Ściapan Niekraševič, Mikoła Bajkoŭ. Rasijska-biełaruski słoŭnik. 704 staronki, ćviordaja vokładka.
Kniha ŭjaŭlaje ź siabie pieravydańnie najlepšaha i najpaŭniejšaha rasijska-biełaruskaha słoŭnika mižvajennaha času, pieršaje vydańnie jakoha vyjšła ŭ 1928 hodzie. Słoŭnik uklučaje bolš za 60 tysiač słoŭ i byŭ stvorany pavodle vybarki leksiki sa «Słovaria biełorusskoho nariečija» I. Nasoviča, «Smolenskoho obłastnoho słovaria» U. Dabravolskaha, «Biełaruska-polska-ruskaha słoŭnika» Ja. Cichinskaha, «Viciebskaha krajovaha słoŭnika», «Praktyčnaha vajskovaha słoŭnika», rukapisnych słoŭnikaŭ P. Špileŭskaha i S. Miadźviedzkaha, a taksama z vybranych litaraturnych tvoraŭ i narodnaj movy. Aŭtary imknulisia ŭchilacca ad štučnych navatvoraŭ: pieravahu addavali słovam, jakija isnujuć u narodnaj i litaraturnaj movie.
Mark Bartuška. Partyzanskaja vajna ŭ Biełarusi ŭ 1941—1944 hh. 194 staronki.
U knizie niamieckaha historyka dajecca ahlad dziejnaści roznych partyzanskich farmavańniaŭ na terytoryi akupavanaj Biełarusi ŭ 1941—1944 hh. Hieahrafičnyja miežy, jakija byli abranyja dla hetaj pracy, praktyčna achoplivajuć terytoryju sučasnaj Biełarusi, ale pry hetym razhladajucca taksama padziei ŭ rehijonie vakoł Vilni i na ziemlach, jakija ŭ 1939 h. uvajšli ŭ skład SSSR, adnak paśla 1945 h. byli znoŭ pieradadzienyja Polščy.
Miascovyja vybary ŭ najnoŭšaj palityčnaj historyi Biełarusi / Zbornik artykułaŭ pad red. Valera Bułhakava. — Analityčny Hrudok, 2003. — 297 s.
Miascovyja vybary ŭ Biełarusi, jak lubaja važnaja padzieja ŭ palityčnym žyćci krainy, majuć jak karotkaterminovyja, tak i siarednie- i doŭhaterminovyja nastupstvy. Jany dajuć ujaŭleńnie ab ciapierašnim stanie palityčnaj sceny krainy, ab palityčnych kapitałach jaje asnoŭnych aktaraŭ i ŭzroŭni sacyjalnaha davieru da ich. Adzin z aŭtaraŭ zbornikaŭ – Vital Silicki.
ARCHE № 4 — 2007. 240 staronak.
U hetym numary — artykuł Andreja Vaškieviča «Našy ściahi nad Zachodniaj», narys Andreja Kazakieviča «Palityčnaja hieahrafija Biełarusi», daśledavańnie amierykanskaha historyka Barbary Skiner «Hramadskija kaštoŭnaści Ŭnijackaj carkvy ŭ XVIII st.», analityka Hryhoryja Jofe «Biełaruś: dziaržava, ale jašče nia nacyja», a taksama inšyja cikavyja teksty.
ARCHE № 2 — 2004. 240 ctaronak.
U hetym numary — recenzija Vitala Silickaha na tak i niavydadzienuju knihu (vyjšli tolki sihnalnyja asobniki) Alaksandra Łukašenki «Istoričieskij vybor Biełarusi. Lekcii, pročitannyje v vysšich učiebnych zaviedienijach h. Minska» (Minsk: Akadiemija upravlenija pri Priezidientie Riespubliki Biełaruś, 2003.), daśledavańnie Alaksandra Frydmana «Nieviadomy hienacyd: zniščeńnie biełaruskich cyhanoŭ u 1941—1944», recenzija Andreja Katlarčuka na biełaruski pierakład knihi Rajnera Lindnera «Historyki i ŭłada. Nacyjatvorčy praces i histaryčnaja palityka ŭ Biełarusi XIX-XX st.», i inšyja cikavyja teksty.
ARCHE №1 — 2004. 240 ctaronak.
U hetym numary — krytyka Vitala Silickaha «Strašny son rasiejskamoŭnych liberałaŭ» (recenzija na knihu Leonid Złotnikov. V pietle populizma: idieołohija, politika i ekonomika v niezavisimoj Biełarusi. Minsk: Encikłopiediks, 2002.), narys Alisy Biziajevaj «Źniknieńnie aŭtara: biełaruskaja sieciratura», ese Daniły Žukoŭskaha «U łabiryncie z postmadernistam» i inšyja cikavyja teksty.
ARCHE №6—2003. Jeŭropa na ŭschod ad Jeŭropy. 240 staronak.
U numary: artykuł Aleha Łatyšonka «Hantynhtan, pravierany časam. Biełaruś i postsavieckija krainy ŭ kanflikcie cyvilizacyjaŭ», hutarka z brytanskim tearetykam nacyjanalizmu Endru Ŭiłsanam «Tolki mova moža być asnovaj nacyjanalnaj identyčnaści biełarusaŭ», daśledavańnie šatłanadskaha palitołaham Styvena Uajta «Eŭrapiejski ci słavianski vybar? Zamiežnaja palityka i hramadzianskija pazicyi u postsavieckaj Jeŭropie» i inšyja cikavyja teksty.
ARCHE №2 — 2003. Tumannaści biełaruskaj historyi. 200 staronak.
U numary: daśledavańnie Džejmsa Flina «Kantrasty padabienstva: biskupy Troj u Irlandyi i Lisoŭski ŭ Biełarusi ŭ epochu Vialikaj francuskaj revalucyi», recenzija Andreja Katlarčuka «Čamu biełarusy nie apanavali litoŭskaj spadčyny» na našumiełuju knihu Cimaci Snajdera «The Reconstruction of Nations.Poland, Ukraine, Lithuania, Belarus 1569—1999», archiŭnaja publikacyja Anatola Sidareviča «Pravobraz Aktu 25 Sakavika», i inšyja cikavyja teksty.
ARCHE №3 — 2002. 300 staronak.
U numary: poŭny pierakład hienijalnaha ramanu «Mały apakalipsys» Tadevuša Kanvickaha na biełaruskuju movu, razvažańni Valera Bułhakava «Pra kłasyčnyja i nieklasyčnyja nacyjanalizmy», Listy Jana Stankieviča da Antona Adamoviča časoŭ druhoj suśvietnaj vajny, i inšyja cikavyja teksty.
ARCHE №8 — 2000. 76 staronak.
U numary: ese Andreja Jekadumava «Miortvyja siarod žyvych. Staŭleńnie da śmierci ŭ postsavieckaj Biełarusi», Vystup amierykanskaha palitołaha Ryčarda Pajpsa ŭ Maskoŭskaj škole palityčnych daśledavańniaŭ «Što Rasii ŭziać u XXI stahodździe i što pakinuć u minułym?», i inšyja cikavyja teksty.
Kamientary