Chamoŭnicki sud Maskvy pryniaŭ da razhladu pazoŭ, padadzieny da kampanii «Jandeks» mužčynam, jaki śćviardžaje, što abłysieŭ praz čytańnie drennych navin praz servis «Jandeks.Naviny».
U kartcy spravy na sajcie sudu havorycca, što pazoŭ Ramana Maśleńnikava pryniaty da razhladu 21 sakavika — heta značyć usiaho praz try dni paśla rehistracyi. Papiarednija słuchańni pryznačanyja na 7 krasavika.
Advakat pazoŭnika Uładzimir Žyhanaŭ zajaviŭ vydańniu TJournal, što ličyć takoje chutkaje pryniaćcie pazovu da razhladu prykmietaj cikavaści, prajaŭlenaj sudom da zajavy.
U svaim pazovie Maśleńnikaŭ śćviardžaje, što doŭhaje čytańnie navin praz ahrehatar «Jandeks.Naviny»» vyklikała ŭ jaho mocny stres, jaki ŭ vyniku pryvioŭ da abłysieńnia.
U suviazi z hetym jon zapatrabavaŭ ad kampanii kampiensacyju ŭ pamiery 500 tysiač rubloŭ.
Pry hetym pazoŭnik pracuje ŭ PR-ahienctvie i svaju zajavu padaje jak prykład paśpiachovaj pracy, adznačajučy, što navina ab padačy pazovu trapiła ŭ prajm-tajm fiederalnych telekanałaŭ.
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho8
Kamientary