Łoś sutyknuŭsia z aŭtamabilem u Minskim rajonie, paviedamili ŭ rajonnym adździele DAI.
DTZ z udziełam dzikaj žyvioły adbyłosia ŭviečary 10 krasavika na 33-m km aŭtadarohi Minsk — Hrodna. Žychar Hrodna z spadarožnicaj na słužbovym aŭtamabili viartaŭsia z kamandziroŭki.
Pablizu vioski Aksakaŭščyna na zakruhleńni darohi kiroŭca zaŭvažyŭ žyviołu, jakaja źjaviłasia ź ciemry. Łoś nie paśpieŭ praskočyć u jar i trapiŭ pad aŭtamabil.
Ad udaru žyvioła zvaliłasia na łabavoje škło mašyny, zatym na kapot i adskočyła na abočynu. U vyniku łoś zahinuŭ.
Aŭtamabil atrymaŭ miechaničnyja paškodžańni. Pasažyr i kiroŭca nie paciarpieli dziakujučy tamu, što byli pryšpilenyja ramianiami biaśpieki. Svoj šlach jany praciahnuli na aŭtaevakuatary.
Kamientary