Ministerstva abarony Armienii zajaviła, što ŭ chodzie bajavych dziejańniaŭ u Nahornym Karabachu ŭ pačatku krasavika zahinuli 92 čałavieki z armianskaha boku.
«U pieryjad bajavych dziejańniaŭ 2—5 krasavika na linii sudakranańnia zahinuli 64 vajskoŭcy i 13 dobraachvotnikaŭ i apałčencaŭ», — cytuje viedamstva «Interfaks».
Niebajavyja straty skłali 15 čałaviek, ź ich čaćviora byli mirnymi žycharami. Adzin vajskoviec ličycca źnikłym bieź viestak.
3 krasavika ŭ Nahornym Karabachu adnavilisia aktyŭnyja bajavyja dziejańni. Armienija i Azierbajdžan ŭskłali adzin na adnaho adkaznaść za abvastreńnie kanfliktu. 5 krasavika baki abviaścili pra pieramirje, adnak rehularna vinavaciać adzin adnaho ŭ jaho parušeńni.
Azierbajdžan pryznaŭ hibiel 31 svajho vajskoŭca, niepryznanaja Nahorna-Karabachskaja respublika paviedamiła ab 32 zahinułych sa svajho boku. Baki taksama paviedamlali pra achviaraŭ siarod mirnych žycharoŭ i śćviardžali, što straty supiernika vyličajucca sotniami zahinułych.
Ciapier čytajuć
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ40
Kamientary