Kamitet pa zamiežnych spravach Viarchoŭnaj rady Ukrainy źviarnuŭsia da Parłamienckaj asamblei Savieta Jeŭropy i hienieralnaha sakratara Savieta Jeŭropy z nahody zabarony Biełaruśsiu ŭjezdu na jaje terytoryju ŭkrainskim deputatam, paviedamlaje pres-słužba deputata VR Ihara Huzia.
U liście adznačajecca, što Biełaruś uvodzić praktyku abmiežavańnia ŭjezdu narodnym deputatam, jakija źjaŭlajucca členami PASIE, u pryvatnaści namieśniku kiraŭnika kamiteta pa zamiežnych spravach Iharu Huziu i pieršamu namieśniku staršyni Viarchoŭnaj rady Irynie Hieraščancy.
Deputaty ličać, što hetaje rašeńnie nie adpaviadaje demakratyčnym tradycyjam, uličvajučy toje, što Biełaruś pačynaje adnaŭlać adnosiny z PASIE.
Huziu admovili va ŭjeździe ŭ Biełaruś 25 krasavika. Pamiežniki paviedamili ab zabaronie ŭjezdu na padstavie pradstaŭleńnia z takim patrabavańniem z boku adpaviednych orhanaŭ Rasijskaj Fiederacyi. Płanavałasia, što 26 krasavika Huź voźmie ŭdzieł u pres-kanfierencyi z palitykami Paŭłam Sieviaryncam i Mikałajem Statkievičam na temu «Biełaruś i Ukraina pierad pahrozaj straty niezaležnaści». Taksama deputat źbiraŭsia pryjści na akcyju «Čarnobylski šlach» i naviedać svajakoŭ biełarusaŭ, jakija ŭdzielničajuć u antyterarystyčnaj apieracyi na Danbasie.
26 krasavika Irynu Hieraščanku, jakaja źjaŭlajecca ŭdzielnicaj minskich pieramoŭ pa ŭrehulavańni situacyi na Danbasie, pratrymali niekalki hadzin na biełaruskaj miažy: vyśvietliłasia, što jana była nieŭjaznaja ŭ Biełaruś, bo «ŭklučanaja ŭ śpis asobaŭ, ujezd jakich u Respubliku Biełaruś zabaronieny abo niepažadany pa inicyjatyvie kampietentnych orhanaŭ Rasijskaj Fiederacyi». Zatym joj byŭ dazvoleny ŭjezd u krainu da 25 maja.
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1010
Kamientary