Na vyrašeńnie pytańnia «što nadzieć» amierykanki marnujuć paŭhoda žyćcia
Žurnalisty vyśvietlili, kolki času marnuje siaredniestatystyčnaja modnica na vybar adzieńnia. Vydańnie New York Post apublikavała daśledavańnie, u jakim havorycca, što 6 miesiacaŭ žyćcia amierykanak sychodzić na prymierki i pryniaćcie składanaha rašeńnia «što mnie siońnia nadzieć?».
U daśledavańni aceńvalisia amierykanki va ŭzroście ad 18 da 60 hadoŭ. Pavodle jaho vynikaŭ, žančyny ŭ ZŠA pravodziać u dzień 17 chvilin, vybirajučy adzieńnie.
Bolš za toje, 60% žančyn adznačyli, što padčas vybaru adzieńnia čaściakom u ich byvajuć uspyški hnievu. A pakutujuć ad padobnaj razdražnialnaści ŭ 20% vypadkaŭ ich mužy. 15% apytanych kažuć pra toje, što niaŭdały vybar pradmieta harderoba moža sapsavać nastroj na ŭvieś dzień.
Mahčyma, mienavita pa hetaj pryčynie va ŭsim śviecie raście papularnaść ruchu pa «źniščeńni šaf». Bo samy kaštoŭny resurs u sučasnym śviecie — heta čas. U trendzie ciapier Fast Fashion, kali ludzi nie pieražyvajuć z nahody svajho stylu, nadziavajučy ranicaj pieršaje, što trapiłasia pad ruku.
Prykład padajuć paśpiachovyja ludzi. Darečy, zasnavalnik Apple niabožčyk Styŭ Džobs adnojčy vyznačyŭsia z vybaram adzieńnia i zatym uvieś čas chadziŭ tolki ŭ čornaj vadałazcy i džynsach. Tak jon stvaryŭ svoj vobraz i pry hetym nie marnavaŭ šmat času na vybar adzieńnia. Padobnym čynam pastupaje i zasnavalnik Facebook Mark Cukierbierh: u jaho harderobie niaźmienna prysutničajuć ciomna-sinija džynsy i šeryja futbołki.
Ciapier čytajuć
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami26
Kamientary