Papski lehat pieradaść biełaruskim hreka-katalikam relikviju sv. Jazafata Kunceviča, jakoj 400 hod
Śpiecyjalny pasłańnik papy Franciška, arcybiskup Vieny kardynał Krystaf Šonbarn, jaki prybyvaje ŭ Biełaruś siońnia, pieradaść Biełaruskaj Hreka-Katalickaj Carkvie relikviju — častku abłačeńnia śviatoha pakutnika Jazafata Kunceviča.
Pra heta ŭčora paviedamiŭ sajt Vienskaj archidyjacezii.
«Kardynał Krystaf Šonbarn padarožničaje ŭ pačatku lipienia 2016 hoda ŭ jakaści pasłańnika papy Franciška ŭ Biełaruś… i taksama maje padarunak dla nievialikaj Hreka-Katalickaj Carkvy ŭ Biełarusi», — havorycca ŭ artykule.
Relikvija śviatamučanika Jazafata, jaki byŭ zabity ŭ 1623 hodzie z-za taho, što imknuŭsia da jednaści chryścijan uschodniaha abradu ŭ Vialikim Kniastvie sa Śviatym Pasadam, stanie abjektam šanavańnia i dabrasłaŭleńniem dla biełaruskich hreka-katolikaŭ.
BHKC, jakaja była zabaronienaja spačatku ŭ Rasijskaj impieryi, a potym u SSSR, naličvaje kala 10 000 viernikaŭ pa ŭsioj Biełarusi, havorycca ŭ artykule na aŭstryjskim sajcie.
Apostalski vizitatar dla hreka-katolikaŭ Biełarusi archimandryt Siarhiej Hajek raspavioŭ sajtu Catholic.bu, što kardynał Krystaf Šonbarn źjaŭlajecca ardynaryjem dla katolikaŭ uschodniaha abradu ŭ Aŭstryi i «viedaje pra žyćcio našaj Carkvy».
Pad jaho amaforam praz peŭny čas byŭ dušpastyram biełaruskich hreka-katolikaŭ u Vienie a. Andrej Abłamiejka.
«Tady paŭstała dumka, kab častku archijerejskaj vopratki śviatamučanika Jazafata pieradać našaj Carkvie ŭ Biełarusi, dzie słužyŭ śviaty Jazafat», — skazaŭ dušpastyr biełaruskich hreka-katolikaŭ.
«Sioleta spaŭniajecca 100 hod, jak moščy śviatamučanika Jazafata byli pieraniesienyja z h. Biała Padlaska (na Padlaššy ŭ Polščy) da chrama sv. Barbary ŭ Vienie. Jany spačyvali tam da 25 listapada 1963 hoda. Tady, u čas II Vatykanskaha saboru, pry ŭdziele biełaruskaha hreka-katalickaha biskupa Česłava Sipoviča, moščy sv. Jazafata byli pieraniesienyja ŭ Rym, u baziliku sv. Piatra», — raspavioŭ archimandryt Siarhiej Hajek.
Ciapier čytajuć
Jak skłaŭsia los internacyjanalnych dziaciej, jakich vychoŭvali ŭ Žodzinie ŭ pieršym u Biełarusi dziciačym domie siamiejnaha typu?5
Jak skłaŭsia los internacyjanalnych dziaciej, jakich vychoŭvali ŭ Žodzinie ŭ pieršym u Biełarusi dziciačym domie siamiejnaha typu?
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary