Apieracyja «Rubin»: bolš za 20 tysiač čałaviek achoŭvajuć katalickija Suśvietnyja dni moładzi ŭ Polščy
Da 2 miljonaŭ maładych pilihrymaŭ-katolikaŭ z usich častak śvietu čakajuć ułady Polščy na hetym tydni ŭ Krakavie, kudy prybudzie i Papa Francišak. Siarod hetaha miljona — i niekalki tysiač biełarusaŭ.
Suśvietnyja dni moładzi ŭ 2016 hodzie prachodziać pad devizam «Buduć ščaślivyja miłasernyja, bo sami miłasernaść spaznajuć» z 26 pa 31 lipienia.
Adnak kolkaść ludziej i chryścijanski charaktar mierapryjemstva mohuć pryciahnuć nie tolki zvyčajnych złačyncaŭ, ale i terarystaŭ, razumiejuć polskija ŭłady.
Apieracyja pa harantavańni spakoju ŭ Małapolščy i Silezii, jakija prymajuć pilihrymaŭ, nazyvajecca «Rubin», paviedamiŭ polski vajskovy partał defence24.pl
Da apieracyi pryciahnutyja 12 tysiač palicejskich i 800 žaŭnieraŭ u Małapolščy, a ŭ Silezii kala 6 tysiač palicejskich i 800 žaŭnieraŭ, paviedamiŭ pres-sakratar Śpiecyjalnaj uradavaj administracyi pa praviadzieńni Suśvietnych dzion moładzi.
Taksama ŭ harantavańni biaśpieki ŭdzielničajuć kala 10.000 pažarnych.
Samoha Papu, polskich i zamiežnych uradoŭcaŭ na mierapryjemstvie buduć achoŭvajuć kala 800 ahientaŭ polskaha Biuro achovy ŭrada. Na minułym tydni miesca, dzie Papa budzie pravodzić vializarnuju Imšu dla pilihrymaŭ naviedaŭ Damienika Džyani - śpiecyjalist pa biaśpiecy, nakiravany Vatykanam.
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB33
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary