U Biełarusi budzie stvorany Respublikanski kliničny centr palijatyŭnaj miedycynskaj dapamohi dzieciam, paviedamlajecca na sajcie ŭrada.
Tak, pastanovaj Savieta ministraŭ ad 28 lipienia 2016 hoda № 592 Ministerstvu achovy zdaroŭja daručana pryniać miery pa realizacyi prajekta — stvareńni centra palijatyŭnaj dapamohi. Pastanova nabyvaje moc paśla jaje aficyjnaha apublikavańnia.
Jak raniej paviedamlaŭ BiełaPAN, nieabchodnaść stvareńnia ŭ Biełarusi dziejsnaj sistemy palijatyŭnaj dapamohi nie raz padkreślivała dyrektar hramadskaj dabračynnaj arhanizacyi «Biełaruski dziciačy chośpis» Hanna Harčakova. Hałoŭnaja zadača Biełaruskaha dziciačaha chośpisa — stvaryć u krainie sistemu palijatyŭnaj dapamohi dzieciam, jakaja pracuje, zajaviła jana 28 maja 2015 hoda na pres-kanfierencyi ŭ Minsku.
«Nam patrebnaja palijatyŭnaja sistema, jakaja pracuje, — centr, kudy budzie ściakacca ŭsia infarmacyja pra dziaciej, što majuć patrebu ŭ dapamozie, centr, dzie buduć prachodzić navučańnie śpiecyjalisty, vałanciory i baćki. Palijatyŭ — heta kompleksny padychod, heta nie tolki my, ale i vy — hramadstva», — skazała Harčakova. Pavodle jaje słoŭ, tolki ŭ niekatorych rehijonach pracujuć hramadskija arhanizacyi prafiesijnaj palijatyŭnaj dapamohi. Kab achapić usich dziaciej, jakija majuć patrebu ŭ palijatyŭnaj dapamozie, nie chapaje ŭdziełu tolki hramadskich arhanizacyj.
Na siońnia ŭ dziaržaŭnym rehistry dziaciej, jakija majuć patrebu ŭ palijatyŭnaj dapamozie, kala 1,3 tys. čałaviek. Usiaho ŭ palijatyŭnaj dapamozie majuć patrebu kala 3,5 tys. dziaciej.
Ciapier čytajuć
«Abo my ciabie zhvałcim, abo ty paholiš baradu razam z hałavoj». Łachvič raskazaŭ, što ź im adbyłosia29
«Abo my ciabie zhvałcim, abo ty paholiš baradu razam z hałavoj». Łachvič raskazaŭ, što ź im adbyłosia
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1111
Kamientary