Vazki ŭ hipiermarkietach «Karona» ad 1 žniŭnia buduć vydavać za maniety. Abjavy z hetaj infarmacyjaj raźmieščanyja ŭ kramach sietki. Kab atrymać kalasku, pakupnikam treba budzie pakinuć u manietapryjomniku «zakład» — 50 kapiejek (ci 5 tysiač rubloŭ u starych hrošach).
Kali drobiazi niama, treba źviarnucca ŭ infacentr dla raźmienu. Kab viarnuć manietu, treba pastavić kalasku na miesca.
Padobnyja sistemy pracujuć u mnohich jeŭrapiejskich kramach, adnak u Biełarusi ich nielha było ŭvieści praz adsutnaść u abarocie mietaličnych hrošaj.
Ot tak vot! Ja etomu dažie rad pic.twitter.com/GdD1wvbqFh
U «Karonie» pra hetaje novaŭviadzieńnie papiaredžvali jašče napiaredadni denaminacyi.
— Taki pryncyp pracy — ahulnasuśvietnaja praktyka, jakaja dazvalaje nie zarabić, a zachavać paradak na terytoryi handlovych abjektaŭ i parkoŭkach, — prakamientavała Volha Ananič, načalnik adździeła markietynhu, słužby raźvićcia roźničnaha handlu TAA «Tytuń-inviest» (sietka HC «Karona» i HC «Zamak»).
A voś kamiery zachoŭvańnia ŭ kramie buduć pracavać pa starych praviłach — z klučami i biez zakładu.
Vydaču vazkoŭ za pakinutyja ŭ zakład kapiejki płanavali vykarystać i inšyja handlovyja sietki.
Nahadajem, ad 1 lipienia ŭ «Karonie» pierastali vydavać biaspłatnyja pakiety na kasach.
Ciapier čytajuć
57‑hadovuju ŭradženku Vińnicy asudzili za kamientary ŭ telehramie. Siabie jana nazyvała «ŭkrainkaj z akupavanaha Minska»1
Kamientary