Žnivień sioleta budzie ciaplejšym za klimatyčnuju normu, paviedamiŭ načalnik słužby hidramietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Minpryrody Dźmitryj Rabaŭ.
«Siaredniaja miesiačnaja tempieratura pavietra ŭ žniŭni čakajecca na 1 hradus vyšejšaj za klimatyčnuju normu (norma 16—17 hradusaŭ). U žniŭni dniom pavietra zvyčajna prahravajecca da 21-24 hradusaŭ», — paviedamiŭ Dźmitryj Rabaŭ.
Samaja vysokaja tempieratura pavietra ŭ Biełarusi (plus 38,9 hradusa) była zarehistravana dniom 8 žniŭnia 2010 hoda na mieteastancyi Homiel. Nočču ŭ hety čas u krainie zvyčajna byvaje ad 10 da 13 vyšej za nul. Samaja nizkaja tempieratura pavietra ŭ žniŭni (minus 3,4 hradusa) adznačana ŭ noč na 30 žniŭnia 1966 hoda na mieteastancyi Paleskaja.
U kancy miesiaca siaredniaja sutačnaja tempieratura pavietra na bolšaj častcy terytoryi krainy źnižajecca da 15 hradusaŭ ciapła, tolki na poŭdni krainy hety pierachod ažyćciaŭlajecca ŭ pieršyja piać dzion vieraśnia. Prykładna raz u 20 hadoŭ u treciaj dekadzie žniŭnia nazirajucca zamarazki. Adnak na Paleśsi zamarazki mahčymy ŭ druhoj dekadzie miesiaca, a na asušanych tarfianikach jany časam nazirajucca i ŭ pieršaj dekadzie žniŭnia.
Miesiačnaja kolkaść apadkaŭ u žniŭni 2016 hoda płanujecca ŭ miežach normy.
U siarednim za miesiac byvaje 11—15 dzion z daždžom i vypadaje 62—89 mm apadkaŭ. U daždžlivyja miesiacy suma apadkaŭ moža dasiahać 2-4 miesiačnyja normy i składać 142—329 mm, u zasušlivyja hady ŭ asobnych rajonach miesiačnaja suma apadkaŭ moža źmianšacca da 1-17 mm. Maksimalnaja kolkaść apadkaŭ za sutki (146 mm) zafiksavana ŭ Babrujsku ŭ 1970 hodzie.
Navalnicy ŭ žniŭni słabiejuć, siaredniaja kolkaść dzion z navalnicami źmianšajecca da čatyroch-siami. U žniŭni ŭ siarednim na praciahu 1—4 načej nazirajucca tumany.
Ciapier čytajuć
Były ministr kultury Rusłan Čarniecki znajšoŭ sabie padpracoŭku9
Kamientary