Mantaž korpusa reaktara Biełaruskaj AES prypynieny
Ciapier mantaž korpusa reaktara Biełaruskaj AES prypynieny, astatnija raboty viaducca ŭ štatnym režymie, paviedamiŭ žurnalistam 1 žniŭnia namieśnik ministra enierhietyki Biełarusi Michaił Michadziuk.
Pavodle jaho słoŭ, rašeńnie ab prypynieńni mantažu korpusa pryniataje zamoŭcam i orhanam rehulavańnia adrazu paśla niaštatnaj situacyi.
Havoračy pra dalejšaje raźvićcio padziej, Michadziuk prainfarmavaŭ: «Mahčymyja tolki dva scenary: albo vykarystańnie hetaha korpusa, ale pry paćviardžeńni biaśpieki materyjałaŭ, albo jaho zamiena. Inšych varyjantaŭ nie moža być. Adnak zaraz słova za śpiecyjalistami. My ŭ pieršuju čarhu kirujemsia nieabchodnaściu biezumoŭnaj arhanizacyi biaśpieki AES».
U hety čas situacyju z korpusam reaktara vyvučajuć hienieralny kanstruktar jadziernaj ustanoŭki AKB «Hidrapres», hałoŭnaja materyjałaznaŭčaja arhanizacyja «Rasatama» CNDImaš, hienieralny prajekciroŭščyk «NIAEP», hienpadradčyk «Atamstrojekspart». Materyjały pieradadzienyja zamoŭcu — RUP «Biełaruskaja AES». Paśla vyvučeńnia jany buduć nakiravanyja orhanu rehulavańnia — Dziaržatamnahladu.
«Dla nas vielmi važna ŭličvać, što korpus reaktara — heta adkazny elemient jadziernaj ustanoŭki. Siońnia treba razabracca, što adbyłosia, i hałoŭnaje — jakija nastupstvy hetaj niaštatnaj situacyi. My raźbirajemsia, ci było heta dakranańnie, udar, jaki stan mietału», — cytuje Michadziuka dziaržaŭnaje ahienctva BiełTA.
«Hienpadradčyk adznačaje, što paškodžanaja afarboŭka korpusa reaktara. Treba skazać, što jość ślady ad strop. Ale my zapatrabavali bolš hłyboki analiz stanu mietału i korpusa reaktara. Takija ekśpiertyzy rasijskim bokam praviedzienyja, materyjały pavodle ich vynikaŭ nam pieradadzienyja, ale patrebien čas, kab razabracca i vynieści kančatkovy vierdykt», — dadaŭ jon.
Namieśnik ministra enierhietyki zapeŭniŭ, što z vynikami rasśledavańnia budzie aznajomlenaja hramadskaść.
Michadziuk taksama zajaviŭ, što Biełaruś pry budaŭnictvie AES adkrytaja dla mižnarodnych ekśpiertaŭ.
«Litva zaklikaje Biełaruś zaprasić mižnarodnych ekśpiertaŭ pravieści poŭnuju pravierku rabot na budaŭnictvie AES. Ale kaho my nie puścili na placoŭku? Za apošni hod na placoŭcy było 70 delehacyj, ź ich 12 — zamiežnyja. Pasoł Litvy ŭ Biełarusi admoviŭsia ad naviedvańnia. Jakija jašče patrebnyja mižnarodnyja ekśpierty, jaki ich pavinien być status? Jakim dakumientam heta vyznačana?» — zadaŭsia pytańniem namieśnik ministra.
Jon źviarnuŭ uvahu, što litoŭski bok zaklikaje nieadkładna pravieści acenačnuju SEED-misiju MAHATE, choć Biełaruś zajaviła pra jaje zaprašeńnie jašče ŭ kastryčniku 2014 hoda. Jakraz u hetyja dni ekśpierty MAHATE pracavali ŭ Biełarusi dla padrychtoŭki misii SEED, nahadaŭ jon. I Minenierha maje namier zaprašać ekśpiertaŭ MAHATE, jak i raniej, na rehularnaj asnovie.
Akramia taho, Biełaruś da kanca hoda praviadzie na placoŭcy ŭ Astraŭcy stres-testy.
U «Rasatamie» zajavili pra hatoŭnaść zamianić korpus reaktara dla BiełAES
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB16
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary