U kancy minułaha tydnia pravaachoŭnymi orhanami byli zatrymanyja niekalki top-mieniedžaraŭ najbujniejšaha banka krainy — Biełarusbanka. Pra heta TUT.BY paviedamili try nie źviazanych adna z adnoj krynicy.
«U čaćvier abo piatnicu zatrymali jak minimum dvuch top-mieniedžaraŭ Biełarusbanka. Adzin ź ich — [vykanaŭčy dyrektar banka Anatol] Bahavik. Jašče adzin — načalnik upraŭleńnia», — paviedamiŭ surazmoŭca, blizki da Biełarusbanku.
Inšaja krynica ŭ bankaŭskich kołach skazała, što čuła pra zatrymańnie Bahavika. «Tak, byccam by «prysieŭ». Jon, kažuć, prachodzić pa spravie Haspadaryka», — paviedamiŭ surazmoŭca.
U siaredzinie červienia pravaachoŭnymi orhanami Biełarusi byŭ zatrymany pieršy namieśnik staršyni praŭleńnia Biełarusbanka Hienadź Haspadaryk. Pavodle infarmacyi pres-słužby KDB, jon byŭ zatrymany ŭ momant atrymańnia chabaru ŭ pamiery 14 tysiač dalaraŭ. U dačynieńni da Haspadaryka raspačali kryminalnuju spravu pa č.3 art. 430 (atrymańnie chabaru). Praz tydzień kiraŭnik KDB Valeryj Vakulčyk zajaviŭ, što realnyja sumy, atrymanyja top-mieniedžaram Biełarusbanka ŭ jakaści chabaru, «našmat bolšyja».
Učora ŭ pryjomnaj Anatola Bahavika skazali, što kiraŭnik niekalki dzion nazad syšoŭ u adpačynak i vierniecca na pracu ŭ kancy žniŭnia.
Atrymać kamientar u pres-słužbie KDB nie ŭdałosia.
Anatol Bahavik viadomy tym, što aktyŭna prasoŭvaŭ i papularyzavaŭ bieznajaŭnyja raźliki. Da taho jak ŭ 2014 hodzie staŭ vykanaŭčym dyrektaram banka, jon šmat hadoŭ uznačalvaŭ raźlikovy centr bankaŭskich płastykavych kart Biełarusbanka.
Anatol Bahavik — syn viadomaha biełaruskaha futbalista Anatola Bahavika. jaki vystupaŭ u čempijanacie SSSR za minskaje «Dynama». Ale praz traŭmu Bahavik-małodšy nie zmoh praciahnuć spartyŭnuju karjeru. Adnak svaim samym vialikim dasiahnieńniem, źviazanym sa sportam, jon nazyvaŭ udzieł u estafiecie alimpijskaha ahniu na Alimpijskich hulniach-2010 u Vankuviery. Jon hanaryŭsia tym, što akazaŭsia pieršym hramadzianinam Respubliki Biełaruś, jaki nios alimpijski ahoń.
Ciapier čytajuć
Były ministr kultury Rusłan Čarniecki znajšoŭ sabie padpracoŭku9
Kamientary