Pomnik Alesiu Čarkašynu na hadavinu nie adkryjuć, jašče źbirajuć hrošy
Pomnik planavałasia ŭstalavać na hadavinu hibieli Alesia Čarkašyna, jaki zahinuŭ u Danbasie ŭ žniŭni letaś. Ale sustaršynia BCHD Pavał Sieviaryniec paviedamiŭ, što nieabchodnaja suma jašče nie sabrana.
Užo amal hod idzie zbor achviaravańniaŭ na pomnik biełarusu Alesiu Čarkašynu, jaki zahinuŭ u Danbasie. Pavał Sieviaryniec, sustaršynia Biełaruskaj chryścijanskaj demakratyi, u jakoj Čarkašyn niekali byŭ staršyniom bieraściejskaj haradzkoj arhanizacyi, paviedamiŭ Svabodzie, što srodkaŭ na pomnik usio jašče nie chapaje.
Jašče ŭ červieni Pavał Sieviaryniec raskazaŭ, što sabrana pryblizna try čverci sumy na toje, kab zrabić pomnik i zastrachavać ad vandalizmu.
33-hadovy biełarus, były staršynia bieraściejskaj haradzkoj arhanizacyi BCHD Aleś Čarkašyn vajavaŭ u składzie Dobraachvotnaha ŭkrainskaha korpusu Pravaha sektaru pad pazyŭnym «Taras». 10 žniŭnia 2015 hodu jon byŭ ciažka paranieny ŭ bai pad Biełakamienkaj u Danbasie i pamier u špitali ŭ Zaparožžy paśla niekalkich tydniaŭ komy.
Jon byŭ paśmiarotna ŭznaharodžany ordenam «Narodny hieroj Ukrainy». Jamu, jahonamu ŭkrainskamu pabracimu Vitalu Ciliženku, a taksama biełarusu Michasiu Žyźnieŭskamu ŭ Kijevie ŭstalavany memaryjalny znak. Taksama biełarusam, zahinułym u kanflikcie na Danbasie, pryśviečany memaryjalny sajt, u Viciebsku ŭ pamiać ab ich siabry BCHD vysadzili drevy.
Aleś Čarkašyn pachavany ŭ Bieraści.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1818
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?18
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Kamientary