Lidary dźviuch kišennych biełaruskich partyj pasvarylisia vyśviatlajučy, chto ź ich za ruski śviet
Staršyni Biełaruskaj patryjatyčnaj partyi Mikałaj Ułachovič i Respublikanskaj partyi pracy i spraviadlivaści Vasil Zadniaprany zarehistravanyja kandydatami ŭ deputaty pa Sieńnickaj vybarčaj akruzie №76. Kandydaty pačali vyśviatlać pamiž saboj adnosiny.
Padčas anłajna na sajcie tut.by Mikałaj Ułachovič hetak skazaŭ pra svajho supiernika: «Heta partyja ruskaha śvietu. Ja budu suprać jaje zmahacca, čamu nie. Ja ž patryjot Biełarusi, a nie patryjot słavianizmu, ci tryadzinstva. Nijakaja partyja ruskaha śvietu tut nie pryžyviecca, mohuć navat nie raźličvać».
Mikałaj Ułachovič, aproč partyjnaj nahružanaści, taksama ŭznačalvaje arhanizacyju «Biełaruskaje kazactva», źjaŭlajecca jaje viarchoŭnym atamanam.
Na takuju zaŭvahu pra «partyju ruskaha śvietu» pakryŭdziŭsia Vasil Zadniaprany. «Nie čakaŭ ad Ułachoviča takoha brudu. Chaj by zasiarodziŭsia na svajoj prahramie, Boh jamu sudździa», — napisaŭ Zadniapranny ŭ tvitary.
Nie ožidał ot Ułachoviča hriazi: "BNF-fašisty, RPTS-za russkij mir" Sosriedotočiłsia by na svojej prohrammie. Boh jemu sud́ja pic.twitter.com/ZbvLyB15JX
«Niama bolš prabiełaruskaj partyi, čym RPPS. Razam z tym, i ruskija, i ŭkraincy — dla mianie braty, i ja nikoli nie budu ich curacca», — zaklučaje Zadniapranny.
Niet boleje "probiełorusskoj" partii, čiem RPTS. Vmiestie s tiem, i russkije, i ukraincy dla mienia braťja, i ja nikohda nie budu čuraťsia družby s nimi
Vasil Zadniapranny — u minułym vajskovy lotčyk, prajšoŭ Afhanistan. Vystupaje za aktyŭnaje supracoŭnictva z Rasijaj.
I Biełaruskaja patryjatyčnaja partyja, i Respublikanskaja partyja pracy i spraviadlivaści źjaŭlajucca kišennymi partyjami ŭłady ŭ siońniašniaj Biełarusi. Jany nikoli nie krytykujuć ułady, a ich paznavalnaść u hramadstvie blizkaja da nulavoj.
Ciapier čytajuć
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary