Aleś Muchin pra situacyju z vyhnańniem znaŭcy Illi Novikava: «U biełaruskim «Što? Dzie? Kali?» takoje niemahčyma»
Viadučy i hienieralny pradziusar prahramy «Što? Dzie? Kali?» Barys Kruk paprasiŭ dvuchrazovaha ŭładalnika «Kryštalnaj savy» i ŭładalnik «Bryljantavaj savy» advakata Illu Novikava syści z kłuba znaŭcaŭ. Pryčyna — abarona Novikavym u sudzie ŭkrainskaj lotčycy Nadziei Saŭčanka.
«Zrazumiej, kali ty abaraniaješ Saŭčanka i ty hulec «ČHK», to, značyć, «ČHK» — taksama za Saŭčanka», — patłumačyŭ viadučy prahramy, dadaŭšy, što prahrama «Što? Dzie? Kali?» pa-za palitykaj.
Apošnim časam Illa Novikaŭ uvachodziŭ u skład kamandy biełarusa Alesia Muchina. Adnačasova Aleś Muchin źjaŭlajecca viadučym biełaruskaj viersii «Što? Dzie? Kali?»
«U biełaruskaj «Što? Dzie? Kali?» takoje adbycca nie moža. U kožnaj viersii hulni farmirujecca kłub udzielnikaŭ, jość unutranyja praviły. My taksama pa-za palitykaj. Ale, na ščaście, z takimi situacyja nikoli nie sutykalisia. Spadziajusia, i nie sutykniomsia», — kaža Aleś Muchin.
«Ja nie viedaju ŭsich niuansaŭ adnosna rasijskaj viersii hulni, tamu, prabačcie, davać kamientaroŭ nie chočacca», — adznačyŭ spadar Muchin.
Sam Novikaŭ paviedamiŭ, što kamanda Alesia Muchina admoviłasia ŭdzielničać u viesnavoj sieryi hulniaŭ u znak salidarnaści ź im.
Ciapier čytajuć
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?1414
Kamientary