Prezident Piatro Parašenka ŭ vitalnaj pramovie na paradzie z nahody 25-hodździa niezaležnaści krainy zajaviŭ, što Ukraina zdolnaja siabie abaranić, niahledziačy na supraćstajańnie z «voraham, jaki zajmaje dziaviatuju častku sušy».
«Našy mižnarodnyja partniory z hetaha paradu atrymajuć sihnał, što Ukraina moža sama siabie abaranić, ale patrabuje dalejšaj padtrymki. Bo naš vorah — heta kraina, jakaja zajmaje dziaviatuju častku sušy i maje vajskovy biudžet u dziasiatki i dziasiatki razoŭ bolšy za našy», — zajaviŭ prezident.
«Azirajučysia nazad na bolš čym dva hady vajny, možna ŭpeŭniena śćviardžać, što vorahu nie ŭdałosia realizavać ni adnoj stratehičnaj zadačy, jon nie zmoh pastavić Ukrainu na kaleni. Za heta i zahinuli 2504 našyja voiny», — dadaŭ jon.
«25 hadoŭ tamu my abrali sabie niezaležnuju budučyniu, heta my stvaryli toje, što Pucin potym nazvaŭ samaj vialikaj hieapalityčnaj katastrofaj», — zajaviŭ Parašenka.
«Tovariŝ moskal, na Ukrainu šutok nie skal», — pracytavaŭ prezident vierš Uładzimira Majakoŭskaha «Doŭh Ukrainie».
Parad u honar 25-j hadaviny niezaležnaści pačaŭsia ŭ Kijevie ŭ sieradu ranicaj. Ministr abarony Ściapan Pałtarak zrabiŭ abjezd vojskaŭ — Nachvardyi, pamiežnikaŭ, udzielnikaŭ danbaskaha kanfliktu i palicyju, pavinšavaŭšy ich sa śviatam.
Pradstaŭniki rasijskich uładaŭ na momant napisańnia natatki Ukrainu nie vinšavali, adnak svaje vinšavańni Piatru Parašenku ŭ liście nakiravaŭ patryjarch Maskoŭski i ŭsiaje Rusi Kirył.
«U 1991 hodzie Ukraina abrała šlach samastojnaha raźvićcia, ustupiŭšy na jaki, jana ŭvajšła ŭ inšuju realnaść i sutyknułasia z mnostvam novych, čaściakom hroznych vyklikaŭ. Adnym ź ich, da majho hłybokaha škadavańnia, praciahvaje zastavacca kanflikt na ŭschodzie krainy», — cytuje list patryjarcha pres-słužba RPC.
Ciapier čytajuć
Biełarusaŭ pa viartańni damoŭ na miažy ŭsio čaściej raździavajuć dahała11
Biełarusaŭ pa viartańni damoŭ na miažy ŭsio čaściej raździavajuć dahała
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2727
Kamientary