Biełaruś moža ŭ pierśpiektyvie ekspartavać kavuny, zajaviŭ siońnia žurnalistam namieśnik ministra sielskaj haspadarki i charčavańnia Uładzimir Hrakun.
Na pytańnie ab pierśpiektyŭnaści vyroščvańnia bachčavych kultur u Biełarusi, namieśnik ministra adkazaŭ, što bachčavaja kultura dla krainy — novaja. «U minułym hodzie my sabrali 500 t uradžaju, u hetym hodzie čakajecca bolš. Ciapier pad hetu kulturu adviedziena kala 40 ha ziamiel. Tamu ab eksparcie havaryć rana. Ale pry vysokaj uradžajnaści stanuć mahčymy i ekspartnyja pastaŭki», — rastłumačyŭ Uładzimir Hrakun.
Pavodle słoŭ namieśnika ministra, u Biełarusi «ŭ asnoŭnym vyroščvajucca tradycyjnyja kultury, adnak da ich dabaŭlajucca i novyja, naprykład bakłažany i časnok». «Ciapier Biełaruś poŭnaściu zabiaśpiečvaje siabie cybulaj, i hety napramak maje ekspartny patencyjał», — skazaŭ jon.
Uładzimir Hrakun taksama paviedamiŭ, što 15 vieraśnia va ŭsich haradach Biełarusi projduć sielskahaspadarčyja kirmašy, na jakich vytvorcy pradstaviać svaju pradukcyju pa źnižanych cenach.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1515
Kamientary