Rasijski premjer Dźmitryj Miadźviedzieŭ rehularna adpačyvaje na siadzibie «Miłoŭka», jakaja znachodzicca ŭ rasijskim horadzie Plos.
Pra heta havorycca ŭ čarhovym rasśledavańni rasijskaha Fondu baraćby z karupcyjaj, jaki ŭznačalvaje apazicyjanier Alaksiej Navalny.
Navalny adznačyŭ, što heta było viadoma i raniej, ale da hetaha času ŭ internecie publikavalisia tolki fatahrafii šaścimietrovaha płota, ale nie ŭnutranaj terytoryi.
FBK apublikavaŭ videa palotu drona nad terytoryjaj lecišča. Na im vidać, što hałoŭnyja damy siadziby XVIII stahodździa byli adrestaŭravanyja. Taksama na vializnaj terytoryi 80 ha pabudavana mnostva budynkaŭ i abjektaŭ, u tym liku — łyžnaja trasa z padjomnikam, pryvatny pryčał na Vołzie, basiejny, dapamožnyja damy i hetak dalej.
Pavodle prybliznaj acenki FBK, košt takoj siadziby składaje kala 25—30 młrd rasijskich rubloŭ (400—500 młn dalaraŭ).
Navalny ŭdakładniŭ, što raniej siadziba znachodziłasia pad upraŭleńniem fondu «Dar», ciesna źviazanaha z žonkaj Miadźviedzieva Śviatłanaj. Naziralnuju radu hetaha fondu ŭznačalvaŭ adnakurśnik Miadźviedzieva Illa Jelisiejeŭ.
Praz tydzień paśla «rakiroŭki» Pucina i Miadźviedzieva ŭ 2011 hodzie siadzibu pieradali niekamiercyjnamu Fondu pa zachavańni historyka-kulturnaj spadčyny.
Pres-sakratarka premjer-ministra Rasii Dźmitryja Miadźviedzieva patłumačyła, što «dača Miadźviedzieva» ŭ Kastramskoj vobłaści z rasśledavańnia FBK Alaksieja Navalnaha źjaŭlajecca rezidencyjaj i nie naležyć ni Miadźviedzievu, ni členam jaho siamji.
«Abjekty, dzie staršynia ŭrada raźmiaščajecca na časovaje abo pastajannaje pražyvańnie, znachodziacca pad achovaj FSA, ci to heta haścinicy, ci rezidencyi, što znachodziacca ŭ dziaržaŭnaj abo inšaj ułasnaści, i zabiaśpiečvajucca srodkami śpiecsuviazi. Nazvanyja vami abjekty, jak i inšyja abjekty časovaha pražyvańnia, nie znachodziacca va ŭłasnaści Dźmitryja Miadźviedzieva i nie vykarystoŭvajucca im i členami jaho siamji na inšaj pravavoj padstavie», — havorycca ŭ adkazie Natalli Cimakovaj na zapyt «Echo Moskvy», jaki cytuje hałoŭny redaktar radyjostancyi Alaksiej Vieniedyktaŭ.
U rasśledavańni FBK Alaksieja Navalnaha śćviardžajecca, što rezidencyja Miłoŭka na Vołzie blizu horada Plos Kastramskoj vobłaści pabudavana na hrošy dabračynnaha fondu «Dar», jakija ŭnieśli akcyjaniery «Navateka» Leanid Michielson i Leanid Simanoŭski. Pavodle źviestak FBK, fond «Dar» byŭ zasnavany kampanijaj TAA «Levit» Michielsonam i Simanoŭski z kapitałam bolš za 33 młrd rub. Potym častka ziamli i majomaści «Daru» pierajšli da fondu «Hradzisłava», jaki Navalny źviazaŭ z žonkaj Miadźviedzieva Śviatłanaj.
Košt rezidencyi płoščaj 80 ha ź siadzibaj XVIII stahodździa, šaścimiatrovym płotam i śpiecsuviaźziu jon acaniŭ u 25—30 młrd rub. «Na takuju sumu možna zrabić nieabchodnyja płatnyja apieracyi naohuł usim, chto maje patrebu», — havorycca ŭ materyjale.
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary