Dakumient ab biaźvizavym ujeździe ŭ Biełaruś dla hramadzian krain, biaśpiečnych u mihracyjnym płanie, moža nabyć moc užo sioleta, paviedamiŭ 26 vieraśnia na pres-kanfierencyi ŭ Minsku namieśnik ministra sportu i turyzmu Michaił Partnoj.
«Ja nie raz braŭ udzieł u abmierkavańni biaźvizavaha pytańnia, — skazaŭ jon. — Hetuju pazicyju vielmi aktyŭna padtrymlivajuć Ministerstva ekanomiki, MZS, Ministerstva sportu i turyzmu. Jość niekatoryja sumnieńni z boku siłavych viedamstvaŭ, što naturalna, bo havorka idzie pra biaśpieku krainy. Ale razam z tym dakumient znachodzicca ŭ vysokaj stupieni hatoŭnaści. Miarkuju, što jon nabudzie moc sioleta».
Partnoj ličyć, što dźvie asnoŭnyja pryčyny, z-za jakich u Biełaruś nie traplajuć vialikija hrošy ad turyzmu, heta vizy i adsutnaść infrastruktury. Dakumient, jaki admianiaje vizy, pavinien vyrašyć pieršuju prablemu.
Jak paviedamlałasia, letam Minsportu, MZS i Minekanomiki inicyjavali ŭviadzieńnie biaźvizavaha režymu da piaci dzion znachodžańnia dla zamiežnych hramadzian, jakija prybyvajuć u Biełaruś praz Nacyjanalny aeraport Minsk. U śpisie 80 krain.
Na siońnia ŭ Biełarusi admienienyja vizy dla turystaŭ, jakija naviedvajuć Biełaviežskuju pušču, Aŭhustoŭski kanał. Biaźvizavy režym pracuje dla hramadzian Izraila, Katara, AAE i Kitaja.
Ciapier čytajuć
Zialenski: Retranślatary na miažy Biełarusi prypynili pracu69
Zialenski: Retranślatary na miažy Biełarusi prypynili pracu
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1111
Kamientary