Eduarda Palčysa z 1863x.com sudzić były vajskovy sudździa, kala budynku źbirali podpisy pratestu
Praces, jaki budzie prachodzić u zakrytym režymie, maje pačacca a 10-j. A 9:00 Źmicier Daškievič raspačaŭ kala budynka suda zbor podpisaŭ u abaronu Eduarda.
Siońnia ŭ Minskim haradskim sudzie (vuł. Dunina-Marcinkieviča, 1) pačynajecca razhlad kryminalnaj spravy redaktara sajta 1863ch.com. 25-hadovaha Eduarda Palčysa, viadomaha pad psieŭdanimam Džon Silvier, sudziać u zakrytym režymie. Błohieru pahražaje da piaci hadoŭ abmiežavańnia voli abo da 4 hadoŭ pazbaŭleńnia voli. Ekśpierty miarkujuć, što znakavy sud maje palityčny charaktar. Jaho meta — pakazać Rasii, što ŭłady RB hatovyja i nadalej dušyć biełaruski nacyjanalizm.
Paśla zaviaršeńnia suda stała viadoma, što jon praciahniecca a 10-j 17 kastryčnika, u paniadziełak. Piaciora čałaviek ź pikietam da apošniaha stajali la budynka suda ŭ padtrymku Palčysa.
12:57
Abvieščany pierapynak da 14:00
12:03
Z aktyvistaŭ kala sudu zastalisia tolki Sieviaryniec i Makajeŭ. Žonka Palčysa čakaje na vyklik u sud u jakaści śviedki. #Palčys
12:00
Kala budynku praciahvajuć skandavać pikietoŭcy. Jany spadziajucca, što Palčys ich čuje. Nikudy nie adychodzić i žonka Palčysa.
10:34
«Eduard, my z taboj! Trymajsia!» — skandujuć udzielniki pikietu ŭ padtrymku Palčysa. «Svabodu palitviaźniam», «Dajcie volu i svabodu biełaruskamu narodu».
10:28
Baćki Džona Silviera čakajuć vyraku kala suduhttps://t.co/SRfulxoOKm pic.twitter.com/ppTP3oJXKo
Baćki sp. Alaksandr i sp. Antanina taksama skazali, što hanaracca synam i padtrymlivajuć jaho. Jany padziakavali žurnalistam za padtrymku.
10:08
Milicyja składaje pratakoły.
Da suda pryjšli pravaabaronca Aleś Bialacki, namieśnik kiraŭnika ruchu «Za svabodu» Aleś Łahviniec.
10:03
U akcyi kala budynka suda biaruć udzieł vosiem čałaviek: Źmicier Daškievič, Pavieł Sieviaryniec, Dzianis Sadoŭski, Jaŭhien Afnahiel, Maksim Viniarski. Trymajuć try bieł-čyrvona-biełyja ściahi.
09:28
Źmicier Daškievič raspačaŭ zbor podpisaŭ u padtrymku Eduarda, kab pieradać potym advakatu. Da suda padyšli taksama piać žycharoŭ Minska, eks-palitviazień Mikoła Aŭtuchovič.
09:10
Presu ŭ budynak suda nie prapuskajuć, matyvujučy, što «niama dazvołu».
09:05
Kala budynka suda pakul nikoha niama, tolki paru čałaviek u cyvilnym i milicejski patrul.
Pavodle infarmacyi «NN», Palčysa etapavali ź SIZA na Vaładarskaha ŭ budynak siońnia na dośvitku.
Na kožnym paviersie suda — achova.
Sudzić Eduarda buduć na 4-m paviersie, u zale №8. Sudździa — Ihar Lubavicki. Lubavicki byŭ pryznačany sudździoj Minskaha haradskoha ŭ 2014 hoda, da hetaha zajmaŭ pasadu sudździ Barysaŭskaha mižharnizonnaha vajskovaha suda.
Mahčyma, Ihar Viačasłavavič Lubavicki — heta syn Viačasłava Lubavickaha, byłoha hałoŭnaha vajskovaha prakurora Biełarusi, ale «Naša Niva» pakul nie pravieryła hetaj infarmacyi.
Eduard Palčys abvinavačvajecca ŭ ździajśnieńni złačynstvaŭ pa č.1 art.130 (raspalvańnie rasavaj, nacyjanalnaj ci relihijnaj varažniečy ci roźni) i č.2 art. 343 (raspaŭsiud parnahrafičnych materyjałaŭ) Kryminalnaha kodeksa Respubliki Biełarusi.
Eduard byŭ zatrymany ŭ studzieni 2016 h. u Rasii, a ŭ mai błohiera ekstradziravali ŭ Biełaruś, dzie jon byŭ adrazu ŭziaty pad vartu.
25 žniŭnia sud Centralnaha rajona Minska razhledzieŭ spravu ab pryznańni ekstremisckaj infarmacyjnaj pradukcyi, raźmieščanaj na sajcie 1863ch.com. U vyniku zakrytaha sudovaha pasiadžeńnia 9 artykułaŭ, raźmieščanych na dadzienym sajcie, pryznali ekstremisckimi.
Pravaabaroncy adznačajuć, što ŭ kryminalnym pieraśledzie Eduarda Palčysa jość palityčny matyŭ uładaŭ, jaki maje na mecie spynieńnie jahonaj publičnaj dziejnaści ci prymus da źmianieńnia jaje charaktaru. Jany zapatrabavali vyzvaleńnia Palčysa.
Taksama napiaredadni suda mižnarodnaja pravaabarončaja arhanizacyja «Reparciory bieź miežaŭ» zaklikała ŭłady Biełarusi vyzvalić Palčysa «nieadkładna i biez usialakich umovaŭ».
Raniej hramadski aktyvist Źmicier Daškievič zaklikaŭ «zładzić pierad budynkam suda šou».
Daškievič zajaviŭ, što budzie a 9-j źbirać podpisy za vyzvaleńnie Palčysa, kab potym a 10-j dałučyć ich da kryminalnaj spravy.
«Naša Niva» płanuje vieści z-pad ścienaŭ suda anłajn-repartaž.
«Heta — idyjatyzm»: žurnalisty kamientujuć spravu Eduarda Palčysa
Žonka «Džona Silviera»: Eduard rabiŭ važnuju i patrebnuju spravu
Advakat: «Palčys — razumny, abajalny čałaviek, jaki pieražyvaje za intaresy svajoj krainy»
Eduard Palčys piša ŭ źniavoleńni knihu
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm1717
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm17
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać3434
Kamientary