U bližejšy aŭtorak za kandydata ŭ prezidenty ZŠA ad Demakratyčnaj partyi Chiłary Klintan hatovyja prahałasavać 48% amierykancaŭ, a za respublikanca Donalda Trampa 43%.
Taki apublikavany ŭ niadzielu ranicaj vynik pieradvybarnaha apytańnia, jaki rehularna pravodzicca telekanałam ABC i hazietaj Washington Post, paviedamlaje Bi-bi-si.
U piatnicu anałahičnaje apytańnie pakazała suadnosiny 47:44.
Były dziaržsakratar napieradzie taksama pa kolkaści ćviordych prychilnikaŭ — tych, chto hałasuje tamu, što im padabajucca prahrama i asoba kandydata. Takich siarod vybarščykaŭ Klintan 55%, a ŭ jaje supiernika 43%. Zvyš za pałovu tych, chto maje namier padtrymać Trampa, pa ich słovach, robiać heta nie dziela jaho, a kab być suprać Klintan.
22 kastryčnika Klintan apiaredžvała Trampa na 12%, ale zatym šancy kandydataŭ vyraŭnialisia na fonie paviedamleńnia, što FBR adnaviła rasśledavańnie u suviazi ź jaje elektronnaj pierapiski ŭ bytnaść kiraŭnikom Dziarždepartamienta.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary