Siońnia pa inicyjatyvie ŭkrainskaha boku adbyłasia telefonnaja razmova Alaksandra Łukašenki z prezidentam Ukrainy Piatrom Parašenkam, paviedamlaje pres-słužba biełaruskaha lidara.
Kiraŭniki dziaržaŭ abmierkavali paradak dnia dvuchbakovych adnosin, pierśpiektyvy raźvićcia handlova-ekanamičnaha supracoŭnictva. Adznačana, što praca pa likvidacyi barjeraŭ va ŭzajemnym handli viadziecca ŭ kanstruktyŭnym rečyščy. Dobraj placoŭkaj dla abmierkavańnia nie tolki prablemnych tem, ale i pierśpiektyŭnych napramkaŭ uzajemadziejańnia źjaŭlajecca mižuradavaja źmiašanaja kamisija, jakaja pracavała 10 listapada ŭ Minsku.
Prezidenty abmierkavali vyniki minułaha pasiadžeńnia i vykazalisia za praciah adpaviednaha praduktyŭnaha ŭzajemadziejańnia pa vybudoŭvańni handlova-ekanamičnych adnosin. Adznačana, što, niahledziačy na źnižeńnie ŭ apošni čas dvuchbakovaha tavaraabarotu, isnuje stanoŭčaja dynamika, jakuju nieabchodna zamacavać.
Łukašenka i Parašenka damovilisia pra asabistuju sustreču. Ministerstvam zamiežnych spraŭ Biełarusi i Ukrainy dadzienaje daručeńnie vyznačyć adpaviednuju datu dla arhanizacyi mierapryjemstva na vyšejšym uzroŭni, jakoje zapłanavana pravieści da zakančeńnia hetaha hoda.
Akramia taho, Piatro Parašenka prynios prabačeńni za incydent z hramadzianskim samalotam avijakampanii «Biełavija» i prainfarmavaŭ kiraŭnika Biełarusi, što vinavatyja pakaranyja. Kiraŭniki dziaržaŭ damovilisia, što adpaviednyja słužby ŭ bližejšy čas praviaduć kansultacyi ab supracoŭnictvie ŭ halinie biaśpieki dla praduchileńnia padobnych incydentaŭ nadalej.
Prezidenty abmierkavali i arhanizacyju raboty pa mirnym vyrašeńni kanfliktu va Ukrainie. Biełaruskim bokam stvoranyja nieabchodnyja ŭmovy dla plonnaj pracy trochbakovaj kantaktnaj hrupy. Parašenka ŭ suviazi z hetym vykazaŭ poŭnaje zadavalnieńnie i ŭdziačnaść Biełarusi za sadziejničańnie. Adznačana, što Biełaruś i dalej hatova rabić usio, kab va Ukrainie zapanavaŭ mir.
Prezident Ukrainy taksama zakranuŭ temu padtrymki šerahu ŭkrainskich inicyjatyŭ na mižnarodnych placoŭkach, u pryvatnaści ŭ AAN. Kiraŭnik Biełarusi padkreśliŭ, što ŭsie paznačanyja pytańni buduć staranna vyvučanyja, zychodziačy z kantekstu dvuchbakovych adnosin, situacyi ŭ rehijonie i śviecie ŭ cełym i ćviordaj nacelenaści Biełarusi na vyrašeńnie ŭsich prablem mirnymi i dypłamatyčnymi sposabami.
Ciapier čytajuć
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać1616
Kamientary