SBU viarnuŭ samalot «Biełavija» ŭ Kijeŭ pad pahrozaj uźniać źniščalniki
Siońnia, 21 kastryčnika, samalot Boinh 737-800 avijakampanii «Biełavija», jaki vykonvaŭ rejs V2-840 pa maršrucie Žulany (Kijeŭ) — Minsk, byŭ vymušany viarnucca ŭ aeraport vyletu. Na borcie znachodziłasia 136 pasažyraŭ i 6 členaŭ ekipaža, paviedamlaje aficyjny sajt kampanii.
U adpaviednaści z raskładam ŭ 15.25 samalot vylecieŭ ź Mižnarodnaha aeraporta «Žulany» ŭ Minsk. U 15.36 za 50 kiłamietraŭ da ŭvachodu ŭ pavietranuju prastoru Respubliki Biełaruś kamandziru pavietranaha sudna pastupiła ŭkazańnie ad dyśpietčara kiravańnia pavietranaha ruchu rajonnaha centra «Kijeŭ», jakoje ŭvachodzić u dziaržaŭnaje pradpryjemstva absłuhoŭvańnia pavietranaha ruchu «Ukraeraruch», ab nieadkładnym viartańni ŭ aeraport vyletu biez tłumačeńnia jakich-niebudź pryčyn. Taksama było zajaŭlena, što ŭ vypadku nievykanańnia kamandy ŭ pavietra buduć padniatyja źniščalniki. Kamandzir pavietranaha sudna vykanaŭ ukazańnie i ŭ 15.37 prystupiŭ da źnižeńnia.
U 15.55 samalot avijakampanii «Biełavija» pryziamliŭsia ŭ mižnarodnym aeraporcie «Žulany». Paśla pasadki z borta pavietranaha sudna pravaachoŭnymi orhanami Ukrainy byŭ źniaty adzin pasažyr, jaki źjaŭlajecca hramadzianinam Armienii.
Paśla dazapraŭki ŭ 16.37 rejs V2-840 vylecieŭ u Minsk i paśpiachova pryziamliŭsia ŭ Nacyjanalnym aeraporcie «Minsk» u 17.33 pa miascovym časie.
Pravaachoŭnymi orhanami Ukrainy dadzieny pasažyr byŭ adpuščany i vylecieŭ u 19.00 rejsam B2-830 avijakampanii «Biełavija» ŭ Miensk.
«Biełavija» maje namier patrabavać z HP «Ukraeraruch» kampiensacyi vydatkaŭ, źviazanych ź viartańniem samalota ŭ mižnarodny aeraport «Žulany», paviedamili ŭ kampanii.
Jak paviedamili va «Ukraeraruchu», pryčyna razvarotu była ŭ patrabavańni Słužby biaśpieki Ukrainy.
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm1919
Kamientary