Adzin šaniec na miljon: Tramp tearetyčna jašče moža nie stać prezidentam ZŠA
Prezidenckija vybary ŭ ZŠA — heta vielmi składanaja sistema. Jany majuć dvuchprystupkavuju strukturu. Vybarcy ŭ asnoŭny dzień hałasujuć za kandydataŭ u prezidenty, adnak ich hałasy kandydat atrymlivaje nieŭprost, a praz tak zvanuju «kalehiju vybarščykaŭ».
Ad kožnaha štata vybirajecca peŭnaja kolkaść «vybarščykaŭ». Ad vialikaj i hustanasielenaj Kalifornii — 55, ad Techasa — 38, ale Mantany ci Paŭnočnaj Dakoty — tolki pa 3. Heta nie niejkija hipatetyčnyja vybarcy, heta ŭsio žyvyja ludzi. Ich abirajuć zahadzia na źjezdach partyi ci pryznačaje kiraŭnictva. Vybarščykami mohuć być kanhresmieny, palityki, nabližanyja da kandydata ŭ prezidenty. Kali ŭ niejkim štacie pieramahaje peŭny kandydat, to jaho partyi i pryznajucca ŭsie vybarščyki.
Takaja sistema isnuje ŭ ZŠA ad 1787 hoda. Rabiłasia jana dla taho, kab małyja štaty mieli krychu bolšy ŭpłyŭ na pryniaćcie rašeńniaŭ, a taksama jak pieraściaroha ad papulistaŭ.
Dyk voś 19 śniežnia ŭsie vybarščyki źbiarucca ŭ Vašynhtonie dla kančatkova hałasavańnia. Tady pieramoha Trampa budzie zamacavanaja aficyjna.
Ci mohuć vybarščyki ad Respublikanskaj partyi prahałasavać suprać svajho kandydata? Tearetyčna — tak. Tolki ź dziasiatak štataŭ padpisaŭ pahadnieńnie, pavodle jakoha ich vybarščyki abaviazanyja hałasavać hetak sama jak ludzi ŭ štacie. Naprykład, heta Kalifornija, Ńju-Džersi, Havai, Ńju-Jork, Vašynhton. U 24 štatach praduhledžanaje pakarańnie vybarščykam, jakija źmieniać svoj hołas.
Adnak u historyi viadomyja 157 vypadkaŭ tak zvanych «niedobrasumlennych vybarščykaŭ». Praŭda, zvyčajna heta byli adzinkavyja vypadki i na ahulny vynik vybaraŭ heta nie paŭpłyvała.
Na siońnia analityki rasceńvajuć mahčymaść taho, što vybarščyki mohuć źmianić svajo rašeńnie, u dziasiatuju dolu pracenta. Tym bolš, nikoli nie isnavała histaryčnych precedentaŭ. Adnak niekatoryja ludzi ŭsio adno nie adčajvajucca. Na sajcie change.org stvoranaja pietycyja z zaklikam da vybarščykaŭ hałasavać suprać Trampa. Jaje padpisała ŭžo 2 miljony 313 tysiač čałaviek.
Kamientary