U apošni dzień kinafiestyvalu «Listapad» u kinateatry «Pijanier» pakazali film «Bramnik». Vykładčyki pryviali na pakaz piacikłaśnikaŭ i nie źviarnuli ŭvahu na abmiežavańnie 14+.
Pavodle siužetu, padletki Maksim i Miełani zakachanyja adno ŭ adnaho. Ich adnosiny miłyja, kranalnyja i całkam pachodziać na stałyja da taho času, pakul Miełani nie daviedvajecca, što ciažarnaja. Spačatku Maksim prymaje navinu ŭ štyki, ale zatym dumka pra baćkoŭstva źmiakčaje jaho serca. Jon pierakonvaje siabroŭku zachavać dzicia.
Jak raspaviała minčanka Marharyta Motarava, na hety pakaz staličnyja nastaŭniki pryviali piacikłaśnikaŭ. Ale praz 15 chvilin pakaz byŭ spynieny. «Praviedny bunt raźjušanych kiraŭnikoŭ niekalkich kłasaŭ zrabiŭ niemahčymym prahlad filma, na jaki metanakiravana pryjšli ŭsiaho čałaviek siem», — aburałasia dziaŭčyna na svajoj staroncy ŭ fejsbuku. Pa słovach Marharyty, zamiest fiestyvalnaha pakazu supracoŭniki «Pijaniera» ŭklučyli multfilm «Troli».
U kinateatry «Pijanier» paćvierdzili hetuju infarmacyju. «Heta byŭ taki skandał! Cichi žach… Nastaŭniki stali aburacca, skazali, što buduć pisać skarhu na dyrekcyju «Listapada», — skazała dziažurnaja administratarka, jakaja nie zachacieła pradstavicca. Na pytańnie, ci možna było praciahnuć pakaz i vyvieści nastaŭnikaŭ i školnikaŭ z zały, žančyna adkazała, što «ź imi niemahčyma było razmaŭlać, choć my tłumačyli, što dzieci prasunutyja, što tam niama ničoha «takoha». «Paviercie, my zrabili ŭsio, što ad nas zaležała», — dadała jana. Pa słovach, žančyny, heta pieršy vypadak za jaje 30-hadovuju praktyku.
Rasijskija prapahandysty vydumali ŭdar drona pa turystyčnym aŭtobusie. Ale ŭ historyi jość zahadkavyja fury6
Kamientary