U vioscy Zalubičy Baranavickaha rajona Bresckaj vobłaści pozna ŭviečary supracoŭniki DAI Baranavickaha RAUS vyjavili traich maładych ludziej, paviedamlaje UDAI Bresckaha abłvykankama. Źviarnuŭšysia ŭ kłubočki i bieražliva padpirajučy adzin adnaho, jany spali na abočynie darohi, pry hetym adzin ź ich vyciahnuŭ nohi prosta na prajeznuju častku.
Mužčyny znachodzilisia ŭ stanie mocnaha ałkaholnaha apjanieńnia, ale sprabavali pierakanać inśpiektaraŭ u advarotnym. Uskosnym paćviardžeńniem stanu maładych ludziej źjaŭlałasia i znojdzienaja pobač pustaja butelka z-pad śpirtnoha. Maładyja ludzi ad miedycynskaha ahladu admovilisia.
Jak vyśvietliłasia, dvoje 36-hadovych žycharoŭ vioski Stary Dvor pryjechali na rovarach da svajho 26-hadovaha siabra ŭ viosku Zalubičy. Raźvitvajučysia, maładyja ludzi vyrašyli vypić adychodnuju i nie raźličyli svaje siły.
U dačynieńni da mužčyn składzienyja administracyjnyja pratakoły pa č. 2 art. 18.23. Kožny ź ich užo nieadnarazova pryciahvaŭsia za parušeńnie praviłaŭ darožnaha ruchu jak piešachod.
Ciapier čytajuć
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ1
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary