Abvieščana pra novy etap strajku lotčykaŭ kampanii Lufthansa. Zabastoŭka 29 listapada zakranie ŭsie rejsy na karotkuju adlehłaść, a 30 listapada — jašče i dalokija rejsy. Pra heta paviedamlaje DW.
Zabastoŭka piłotaŭ avijakampanii Lufthansa praciahniecca 29 i 30 listapada. U pieršy dzień strajkavać buduć tolki piłoty karotkich rejsaŭ, a potym da akcyi dałučacca i ich kalehi z rejsaŭ na dalokija adlehłaści.
Pra heta ŭ niadzielu, 27 listapada, paviedamiŭ prafsajuz piłotaŭ Cockpit. Pa słovach jaho pradstaŭnika, pieramovy z kiraŭnictvam kampanii 27 listapada nie prynieśli vynikaŭ, tamu supracoŭniki vyrašyli praciahnuć strajk. Jana zakranie «ŭsie adpaviednyja rejsy, jakija vylatajuć z Hiermanii ŭ hetyja dni», papiaredziŭ prafsajuz.
Pieršy etap zabastoŭki prajšoŭ z 23 pa 26 listapada. Tysiačy rejsaŭ byli admienieny, kala 350 000 pasažyraŭ nie zmahli skarystacca svaimi kvitkami. Rejsy avijakampanij Germanwings, Eurowings, Air Dolomiti, Austrian Airlines, SWISS i Brussels Airlines, jakija naležać hrupie kampanij Lufthansa, ažyćciaŭlajucca bieź źmienaŭ.
Prafsajuz patrabuje pavyšeńnia zarobku 5400 piłotam na 3,7 pracenta ŭ hod, u tym liku dadatkovyja vypłaty za čatyry hady. Apošniaj prapanovaj kampanii Lufthansa było pavyšeńnie zarobku na 4,4 pracenta ciaham dvuch hadoŭ i adnarazovaja vypłata 1,8 miesiačnaha zarobku.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary