Były prezident Ukrainy Viktar Janukovič zajaviŭ, što byŭ suprać prymianieńnia siły na Majdanie ŭ lutym 2014 hoda i imknuŭsia paźbiehnuć krovapralićcia, piša VVS.
U chodzie dačy śviedkavych pakazańniaŭ pad prysiahaj pa videasuviazi z Rastoŭskaha abłasnoha suda Janukovič paviedamiŭ Śviatošynskamu rajonnamu sudu Kijeva, što padčas padziej na Majdanie jon «uvieś čas sprabavaŭ vyrašyć usie mirnym šlacham urehulavać».
«Ja pravodziŭ sustrečy z apazicyjaj i radykałami. Ja pracavaŭ kruhłasutačna. Apazicyja kazała — my ničoha nie možam zrabić z radykałami. I ŭ vyniku heta pryviało da ŭžyvańnia siły na Majdanie», — skazaŭ eks-prezident Ukrainy.
U pačatku pasiadžeńnia prakurory ŭ Kijevie zajavili, što im nieabchodny 15-chvilinny pierapynak, kab uzhadnić pytańni, jakija buduć zadavać Janukoviču. Taksama sud advioŭ na dopyt u ahulnaj kolkaści 3,5 hadziny.
Padčas pierapynku hienieralny prakuror Ukrainy Juryj Łucenka, jaki pryjšoŭ na pasiadžeńnie kijeŭskaha suda, zajaviŭ, što eks-prezidentu Ukrainy Viktaru Janukoviču abvieščana padazreńnie ŭ dziaržaŭnaj zdradzie.
«Uličvajučy toje, što Janukovič znachodzicca za miežami Ukrainy i faktyčna chavajecca ad pravaachoŭnych orhanaŭ Ukrainy, źmiest padazreńnia abvieščany vusna, a samo paviedamleńnie ab padazreńni siońnia hadzinu tamu razasłanaje na ŭsie viadomyja adrasy znachodžańnia Janukoviča, a taksama budzie ŭručana advakatu apošniaha», — skazaŭ Łucenka.
Jak paviedamlajecca, paśla hetaha pradstaŭniki ŭkrainskaj Vajennaj prakuratury ŭručyli advakatu eks-prezidenta Ukrainy, jaki znachodzicca ŭ kijeŭskim sudzie, apaviaščeńnie ab padazreńni ŭ ździajśnieńni złačynstva.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam24
Kamientary