U pravasłaŭnych siońnia — Posnaja kućcia, u katalikoŭ — Try Karali, va ŭnijataŭ — Vadochryšča
Častka pravasłaŭnaha śvietu (Rasija, Biełaruś, Ukraina, Sierbija, Hruzija) rychtujucca da śviatkavańnia Rastva, śviatočnyja słužby projduć va ŭsich chramach Biełarusi siońnia i zaŭtra.
Śviatkavańnie Rastva pačynali ŭviečary 6 studzienia śviatočnaj viačeraj, jakaja nosić nazvu «pieršaj, posnaj, biednaj, hałodnaj» kucci (ad nazvy rytualnaj stravy).
U chryscijanskaj tradycyi ličycca, što ab časie i miescy naradžeńnia Isusa Chrysta vałchvam paviedamiła Viflejemskaja zorka, jakaja ŭzyšła na niebaschile z nastupleńniem ciemry. Mienavita tamu śviatočnaja viačera pačynałasia ŭviečary sa źjaŭleńniem pieršaj zorki i prachodziła ŭ strohim maŭčanni.
Imknulisia, kab usiaho na stale było dvanaccać straŭ. Taksama staralisia sustrakać Rastvo nie ŭ paŭsiadzionnym adzienni. Ličyłasia, što heta i nadalej budzie pravakavać biednaść. Tamu adzieńnie pavinna być novym.
A voś ryma-katalicki śviet adznačaje siońnia, 6 studzienia, uračystaść Abjaŭleńnia Pana, abo Troch Karaloŭ — uspamin ab padziei, kali, idučy za zorkaj, karali (mudracy) prybyli ŭ Betlejem (Viflejem), šukajučy novanarodžanaha judejskaha karala.
Mudracy achviaravali novanarodžanamu Dziciaci svaje dary: zołata (simvał karaleŭskaj hodnaści), kadziła (simvał viery ŭ Jezusa jak praŭdzivaha Boha) i miru (simvał spaŭnieńnia praroctvaŭ ab prychodzie Miesii).
Imiony mudracoŭ — Kaśpier, Mielchijor i Baltazar — u Śviatym Pisańni nie zhadvajucca, ich nadała chryścijanskaja tradycyja. Da taho ž u Jevanhiełli jany nazyvajucca nie karalami, a mudracami.
U toj ža čas hreka-kataliki, abo ŭnijaty, śviatkujuć Vadochryšča.
Kamientary