Pad Navapołackam Toyota naśmierć źbiła piensijanierku, jakaja pierachodziła darohu pa-za piešachodnym pierachodam, paviedamiŭ BIEŁTA časova vykonvajučy abaviazki načalnika adździaleńnia ahitacyi i prapahandy DAI UUS Viciebskaha abłvykankama Alaksandr Kaziučyc.
Avaryja adbyłasia siońnia kala 8.00. «Jak rastłumačyŭ kiroŭca, jon jechaŭ z horada ŭ bok zavoda BVK (białkova-vitaminnych kancentrataŭ), kali, aślepleny śviatłom far sustrečnaha aŭto, zaŭvažyŭ niečyj siłuet na darozie. Jon sprabavaŭ uchilicca ad najezdu, ale nie paśpieŭ i nieŭzabavie ŭśviadomiŭ, što na kapocie jaho mašyny čałaviek», — rastłumačyŭ Alaksandr Kaziučyc.
Kiroŭca adrazu vyklikaŭ DAI i chutkuju dapamohu. Miedyki kanstatavali śmierć piensijanierki 1939 hoda naradžeńnia. Pa fakcie avaryi pravodzicca pravierka. Viadoma, što kiroŭca ŭ momant DTZ byŭ ćviarozy, a žančyna nie była paznačanaja śviatłoadbiŭnymi elemientami. Pavodle infarmacyi aficyjnaha pradstaŭnika ŭpraŭleńnia Dziaržaŭnaha kamiteta sudovych ekśpiertyz pa Viciebskaj vobłaści Hanny Baryšnikavaj, ciapier ich supracoŭniki zaniatyja fiksacyjaj śladoŭ na miescy DTZ, papiarednim daśledavańniem techničnaha stanu aŭtamabila na najaŭnaść niaspraŭnaściaŭ i vyznačeńniem chutkasnaha režymu.
Ciapier čytajuć
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary