Śviata ŭ Kijevie 1020 hodździa chryščeńnia Kijeŭskaj Rusi dla kaho śviata, a dla kaho i nia vielmi. Navat i nie śviata zusim, a amal što apakalipsis miascovaha maštabu. Piša ŭ svaim błohu a. Alaksandar Šramko.
Śviata ŭ Kijevie 1020 hodździa chryščeńnia Kijeŭskaj Rusi dla kaho śviata, a dla kaho i nia vielmi. Navat i nie śviata zusim, a amal što apakalipsis miascovaha maštabu. U vialikaj panicy ktaŭnictva Maskoŭskaha Patryjarchatu. Mienavita kiraŭnictva ŭ Maskvie. U Kijevie z boku pradstaŭnikoŭ UPC MP hučać roznyja zajavy i mierkavańnia, navat supraćlehłyja. Naprykład, archimandryt Kirył (Havarun), staršynia adździełu źniešnich carkoŭnych suviaziej UPC MP całkam na baku aficyjnaj maskoŭskaj pazycyi i vielmi nehatyŭna stavicca da samaho faktu vizytu patryjarcha Varfałamieja i pužaje narod užo byccam padrychtavanym dałučeńniem da Kanstantynopala Kijeŭskaha patryjarchatu. Zusim procilehłyja mierkavańni ŭ prataijareja Hieorhija Kavalenki, šef-redaktara sajtu “Pravasłaŭje ŭ Ukrainie”. Jon ličyć, što pieratvareńnie Kijeŭskaha patryjarchatu ŭ mitrapoliju Kanstantynopala moža stać pačatkam carkoŭnaha miru ŭ krainie. “Dla nas pryncypovaja nia jednaść u ramkach jurysdycyi ci adnoj erarchičnaj struktury, dla nas pryncypovaja jednaść u Chryście i ŭ Adzinaj Śviatoj Sabornaj i Apostalskaj Carkvie”, - kaža jon.
Takim čynam, u radach samoj UPC MP niama jednaści i adzinaj stratehii ŭ dadzienaj sytuacyi. Čamuści pakul nie čuvać jepiskapa Aleksandra (Drabinki), jaki ličycca prychilnikam ukrainskaj aŭtakiefalii.
Jak viadoma, maskoŭski patryjarch nakiravaŭ listy da patryjarchaŭ i mitrapalitaŭ suśvietnaha pravasłaŭja admovicca ad udziełu ŭ kijeŭskich śviatkavańniach. Užo viadoma, što z nahody hetaha cisku ŭ Kijeŭ nie pryjedzie patryjarch Hruzinski i mitrapalit Kiprski.
Na zaŭtra planujecca prybyćcio ŭ Kijeŭ patryjarcha Alaksija, ale vykazvajuccca dumki, što jon jašče moža admovicca. Kažuć navat, što sam jon vielmi nie žadaje jechać, ale čamuści hety jahony vizyt patrebny palityčnamu kiraŭnictvu dziaržavy, i na jaho cisnuć pa dziaržaŭnaj linii.
Samaje cikavaje, što pradstaŭniki usialenskaha patryjarchatu nieadnarazova zapeŭnivali, što “patryjarch Varfałamiej prybudzie ŭ Kijeŭ tolki dla taho, kab pravieści ŭračystuju liturhiju sumiesna z patryjarcham maskoŭskim Alaksiejem II i inšymi zaprošanymi na śviatkavańnie śviatarami; inšych metaŭ u vizytu niama”.
Ale usia roŭna ŭsie niešta čakajuć. Chto z nadziejaj, chto z napružanaściu. Moža i prosta ź pierapałochu: u stracha vialikija vočy. Mnie asabista mała vierycca, što mienavita ŭ hetyja dni patryjarch Varfałamiej raptam pojdzie na rašučyja kroki. Tym bolš, što jahonaha žadańnia jašče niedastatkova – pravasłaŭny patryjarch nie maje takoj asabistaj ułady, jak, naprykład, Papa Rymski. Ale, zrazumieła, skazać niešta takoje i moža, chacia b psychalahična nastroić na adpaviedny nakirunak.
Jašče mai razvažańni z hetaj nahody.
Fota: aficyjny sajt prezydenta Ukrainy, Partał-Credo.Ru
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1515
Kamientary