Mitrapalit Tadevuš Kandrusievič padčas uračystaściaŭ u Brasłaŭskim sanktuaryi Maci Božaj Vaładarki Azioraŭ asudziŭ akt złačynstva, jaki byŭ ździejśnieny ŭ Minsku nočču 3 lipienia. Ale ja nie zrazumieŭ - chiba jość złačynstva, jakoje b carkva padtrymała? Chiba carkva ci kaścioł asablivaj zajavaj zaŭsiody asudžaje usie złačynstva, jakija adbyvajucca ŭ krainie? Bo kali heta asudžaje, to moža inšyja padrymlivaje? Piša a. Alaksandar Šramko
Siońnia pres-słužba Katalickaha Kaściołu ŭ Biełarusi raspaŭsiudziła voś takuju navinu:
Mitrapalit Tadevuš Kandrusievič padčas uračystaściaŭ u Brasłaŭskim sanktuaryi Maci Božaj Vaładarki Azioraŭ asudziŭ akt złačynstva, jaki byŭ ździejśnieny ŭ Minsku nočču 3 lipienia.
“Bolš za 50 asobaŭ paciarpieła paśla hetaha vybuchu. Hetaha nie moh zrabić čałaviek, jaki sapraŭdy lubić Boha i bližniaha, heta nie moh być sapraŭdny chryścijanin, heta nie moh być čałaviek, jaki žyvie Jevanhiellem. Chvaroba siońniašniaha śvietu – duchony “skleroz”. Varta malicca za takich ludziej, kab jany stali na darohu naviartańnia. Kali čałaviek z čymści abo kimści nie zhadžajecca, kali jość prablema, treba vyrašać jaje luboŭju, a nie ahresijaj” – skazaŭ Mitrapalit Kandrusievič.
Złačynstva jość złačynstva, čamu ž nie asudzić… Chacia ja, naprykład, nie zrazumieŭ – chiba jość złačynstva, jakoje b carkva padtrymała? Chiba carkva ci kaścioł asablivaj zajavaj zaŭsiody asudžaje usie złačynstva, jakija adbyvajucca ŭ krainie? Bo kali heta asudžaje, to moža inšyja padrymlivaje? Ci ja niešta nie razumieju?
Nu dobra… Budziem ličyć, što heta złačynstva, jakoje vyklikała asablivy rezanans… Tady chiba złačynstva źviazanaje sa źniknieńniem viadomych palitykaŭ, heta padzieja mienšaha rezanansu? A źbivańnie AMAP-am mirnych demanstrantaŭ? Heta ŭžo nie złačynstva?
A-a, nu kaniešnie, chiba možna carkvie i ŭ palityku… Voś kali jana prazrysta namiakaje, padpiavajučy aficyjnaj prapahandzie, što “kali čałaviek z čymści abo kimści nie zhadžajecca, kali jość prablema, treba vyrašać jaje luboŭju, a nie ahresijaj”, nu tak heta ž nie palityka…. Heta prosta… kankardat.
Kamientary