U Žłobinie raskryli zabojstva niemaŭlaci, učynienaje bolš za 20 hadoŭ tamu
Śledčy kamitet paviedamiŭ pra raskryćcio zabojstva novanarodžanaha dziciaci, jakoje adbyłosia ŭ Žłobinie ŭ 2003 hodzie. Rasśledavańnie kryminalnaj spravy było adnoŭlena paśla źjaŭleńnia novych dokazaŭ.
28 lutaha 2003 hoda žančyna znajšła ŭ śmiećcievym kantejniery kala adnaho z damoŭ pa vulicy Uryckaha pakiet ź ciełam novanarodžanaha chłopčyka i paviedamiła pra heta ŭ milicyju.
Sudova-miedycynskaja ekśpiertyza ŭstanaviła, što dzicia naradziłasia danošanym, a pryčynaj śmierci stała tupaja traŭma hałavy. U toj čas siłaviki, adnak, nie zmahli ŭstanavić asobu maci.
Paźniej ekśpierty atrymali hienietyčnyja profili niemaŭlaci i mierkavanaj maci, jakija byli ŭniesienyja ŭ aŭtamatyzavanuju bazu DNK.
U krasaviku 2026 hoda sudovyja ekśpierty vyjavili supadzieńnie hienatypu dziciaci z hienietyčnymi prykmietami 25‑hadovaha ŭradženca Rahačoŭskaha rajona. Dalejšaja ekśpiertyza paćvierdziła, što maci mužčyny, jakoj ciapier 53 hady, źjaŭlajecca bijałahičnaj maci zabitaha niemaŭlaci.
Žančynu pryznali padazravanaj u zabojstvie zaviedama małaletniaha. Pa infarmacyi Śledčaha kamiteta, jana supracoŭničaje sa śledstvam i pryznała vinu.
Pavodle pakazańniaŭ žančyny, ciažarnaść była niepažadanaj, tamu jana nie stanaviłasia na miedycynski ŭlik i chavała svoj stan. Paśla samastojnych rodaŭ u vioscy pa miescy žycharstva žančyna zabiła dzicia, a zatym vyviezła jaho cieła ŭ Žłobin, kab schavać ślady złačynstva.
Cieła niemaŭlaci znajšli ŭ pakiecie na śmiećcievym zavodzie ŭ Viciebsku
Pamiatajecie historyju amierykanki, jakuju trymali ŭ komie paśla śmierci, kab nie spyniać ciažarnaść? Prajšoŭ hod: što ciapier ź dziciem
Vyniesieny prysud maładoj maci, jakaja skalečyła svajo dzicia
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary