U Mahilovie sudzili 20‑hadovuju miascovuju žycharku, pa čyjoj vinie jaje maleńki syn atrymaŭ ciažkija traŭmy i staŭ invalidam. Dziaŭčynu pryznali vinavataj u pryčynieńni škody jaho zdaroŭju pa nieaściarožnaści i pakidańni niemaŭlaci ŭ niebiaśpiecy.
Letaś u studzieni, kali chłopčyku było ŭsiaho dva miesiacy, dziaŭčyna dapuściła mocny ŭdar dziciaci hałavoj ab ścianu — jana nie padtrymała jaho hałavu za šyju, havorycca ŭ pres-relizie suda.
Chłopčyk atrymaŭ čerapna-mazhavuju traŭmu ź pierałomam ciemiannoj kostki i ŭnutryčarapnym krovaźlićciom. Cialesnyja paškodžańni byli adniesieny da katehoryi ciažkich pa prykmiecie niebiaśpieki dla žyćcia. Paśla dziciaci pryznačyli praz heta druhuju stupień invalidnaści.
Akramia taho, maci pakidała małaletniaha syna adnaho na łožku biez achoŭnych aharodž, jana sychodziła z kvatery na niekalki hadzin, u tym liku dla naviedvańnia zabaŭlalnych ustanoŭ. Za čas jaje adsutnaści dzicia nieadnarazova padała z łožka na padłohu.
Taksama ŭstanoŭleny fakty traŭmavańnia niemaŭlaci pry kupańni i pieravozcy ŭ kalascy. Tak, dziaŭčyna pastaviła dziciačuju vannačku papiarok vanny i nie zabiaśpiečyła jaje ŭstojlivaść — vannačka pierakuliłasia, a dzicia vypała i stuknułasia ab pavierchniu vanny.
Pry spusku kałyski pa leśvicy padjezda jana pierakuliłasia, niemaŭla vypała, stuknuŭšysia ab prystupki leśvicy.
U vyniku šmatlikich padzieńniaŭ małomu byli pryčynienyja množnyja pierałomy rebraŭ, pierałomy kostak ruki i inšyja cialesnyja paškodžańni, havorycca ŭ pres-relizie suda.
Pra toje, što adbyvajecca ŭ siamji, pravaachoŭniki daviedalisia ad miedykaŭ, jakija stali fiksavać u chłopčyka pastajannyja traŭmy.
U sudzie dziaŭčyna pryznała svaju vinu i paćvierdziła, što viedała praviły dohladu za dziećmi, ale ihnaravała ich. Jaje ŭžo pazbavili baćkoŭskich pravoŭ, a chłopčyka pieradali ŭ dom dziciaci.
Sud Leninskaha rajona Mahilova pryznačyŭ dziaŭčynie pakarańnie ŭ vyhladzie 2 hadoŭ abmiežavańnia voli biez nakiravańnia ŭ papraŭčuju ŭstanovu («chatniaja chimija»).
Taksama joj prysudzili kampiensacyju za maralnuju škodu ŭ pamiery 50 000 rubloŭ na karyść syna.
Prysud pakul nie ŭstupiŭ u zakonnuju siłu i moža być abskardžany.
Ciapier čytajuć
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak27
Kamientary