U milicyi zaklikali biełarusaŭ nie nabyvać rasijskich revalvieraŭ
UUS Minabłvykankama papiaredziła pra niezakonnaść nabyćcia rasijskich revalvieraŭ «Buldoh», jakija źjavilisia ŭ prodažy na markietpłejsach. Niahledziačy na toje, što pradaŭcy mohuć pazicyjanavać jaho tolki jak cacku, u Biełarusi nabyćcio, uvoz i zachoŭvańnie takoj zbroi zabaronienyja.
Revalvier «Buldoh» rasijskaj vytvorčaści vonkava nahadvaje bajavuju zbroju, stralaje humovymi šarykami kalibru 10 mm, a ŭ jakaści krynicy enierhii vykarystoŭvaje budaŭničyja patrony.
Ekśpiertyza pryznała, što heta ahniastrelnaja zbroja traŭmatyčnaha dziejańnia. Zhodna ź biełaruskim zakanadaŭstvam, abarot takoj zbroi ŭ krainie zabaronieny.
U milicyi padkreślili, što svabodny prodaž tavaru na markietpłejsie nie vyzvalaje pakupnika ad adkaznaści.
Za niezakonnaje nabyćcio, zachoŭvańnie, pieravozku, pierasyłku abo našeńnie takoj zbroi moža pahražać kryminalnaja adkaznaść, u tym liku pazbaŭleńnie voli na termin da siami hadoŭ.
Tym, chto taki revalvier užo nabyŭ, prapanujuć dobraachvotna zdać jaho ŭ milicyju. U hetym vypadku čałaviek moža być vyzvaleny ad kryminalnaj adkaznaści.
Kamientary