NATA zamienić amierykanskija samaloty AWACS na šviedskija Saab GlobalEye
NATA zamienić amierykanskija samaloty dalokaha radyjołakacyjnaha vyjaŭleńnia i kiravańnia Boeing E-3A Sentry (AWACS) na sučasnyja šviedskija Saab GlobalEye. Pra sumiesnuju zakupku da dziesiaci novych samalotaŭ abviaściŭ hienieralny sakratar aljansu Mark Rute padčas adkryćcia samitu NATA ŭ Ankary, paviedamlaje tureckaje ahienctva Anadolu.
Pavodle słoŭ kiraŭnika aljansu, novyja samaloty ŭzmocniać mahčymaści aljansu ŭ halinie pavietranaha nazirańnia, vyjaŭleńnia pahroz i kiravańnia vojskami.
Saab GlobalEye — heta samalot dalokaha radyjołakacyjnaha vyjaŭleńnia i kiravańnia, stvorany šviedskaj kampanijaj Saab na bazie biznes-džeta Bombardier Global 6000/6500. Jon abstalavany šmatfunkcyjanalnaj radyjołakacyjnaj stancyjaj Erieye ER z aktyŭnaj fazavanaj antennaj rašotkaj i pryznačany dla vyjaŭleńnia pavietranych, marskich i naziemnych celaŭ, kaardynacyi dziejańniaŭ avijacyi i pieradačy infarmacyi inšym padraździaleńniam u režymie realnaha času. Aryjencirovačny košt adnaho samalota składaje kala 300 miljonaŭ dalaraŭ.
Zamiena AWACS stała adnoj z hałoŭnych inicyjatyŭ, pradstaŭlenych na forumie abaronnaj pramysłovaści NATA. Akramia hetaha, aljans abviaściŭ pra sumiesnuju zakupku amierykanskich bieśpiłotnikaŭ MQ-4C Triton dla marskoj raźviedki, pašyreńnie parku jeŭrapiejskich samalotaŭ-zapraŭščykaŭ Airbus A330 MRTT, a taksama zapusk kaśmičnaj inicyjatyvy HALO, jakaja abjadnaje vajskovyja spadarožniki krain NATA ŭ adzinuju sietku.
Taksama Mark Rute pradstaviŭ prahramu Drone Edge, u miežach jakoj krainy aljansu płanujuć inviestavać bolš za 40 miljardaŭ dalaraŭ u srodki baraćby ź bieśpiłotnikami ciaham nastupnych piaci hadoŭ. Da kanca 2027 hoda NATA raźličvaje ŭ piać razoŭ pavialičyć kolkaść apierataraŭ dronaŭ i stvaryć adzinuju sistemu supraćdziejańnia bieśpiłotnym latalnym aparatam.
Akramia taho, aljans zapuskaje inicyjatyvu NATO Engine, jakaja praduhledžvaje stvareńnie sietki abaronnych pradpryjemstvaŭ va ŭsich 32 krainach — členach NATA dla pavieličeńnia vytvorčaści ŭzbrajeńniaŭ. Pa słovach Rute, nivodnaja dziaržava nie zdolnaja samastojna zadavolić usio bolšy popyt na abaronnuju pradukcyju.
Tramp pradstaviŭ svoj novy raskošny «Bort numar adzin» — jon moža kaštavać miljard dalaraŭ
Kamandujučy vojskami ZŠA ŭ Jeŭropie zajaviŭ, što Pucin nie šukaje vajny z NATA
ZŠA viaduć pieramovy ab pašyreńni raźmiaščeńnia jadziernaj zbroi ŭ Jeŭropie
Samalotu kiraŭnika Minabarony Vialikabrytanii zahłušyli GPS-sihnał kala Rasii
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary