Maskva zaklikaje Pchieńjan admovicca ad raźvićcia jadziernaj i rakietnaj prahram. Pra heta zajaviŭ namieśnik kiraŭnika MZS RF Hienadź Haciłaŭ na pasiadžeńni SB AAN, paviedamlaje Reuters.
Pavodle jaho słoŭ, KNDR «pavodzić siabie nieprystojnym čynam», ihnarujučy rezalucyi Rady biaśpieki, jakija zabaraniajuć joj raspracoŭku jadziernaj zbroi i srodkaŭ jaje dastaŭki.
U toj ža čas Haciłaŭ padkreśliŭ niedapuščalnaść siłavoha vyrašeńnia prablemy. Na jaho dumku, nieabchodna maksimalna zadziejničać dypłamatyčnyja instrumienty.
«Vajaŭničaja rytoryka, spałučanaja ź nieabdumanaj «hulnioj muskułami», pryviała da taho, što va ŭsim śviecie surjozna stali hadać, budzie vajna ci nie. Jak viadoma, va ŭmovach takoj napružanaści adzin nieabdumany albo niasłušna interpretavany krok moža pryvieści da samych strašnych nastupstvaŭ», — skazaŭ namieśnik kiraŭnika MZS RF. Pavodle jaho słoŭ, zachoŭvajecca pahroza pierarastańnia supraćstajańnia ŭ haračuju fazu.
Kamientary