Prezident Čarnahoryi Filip Vujanavič, kamientujučy ratyfikacyju ŭ parłamiencie krainy pratakoła ab dałučeńni da NATA, zajaviŭ, što hetaje rašeńnie było «histaryčnym». Pra heta jon, jak pieradaje miascovaja hazieta Vijesti, paviedamiŭ u efiry dziaržaŭnaha nacyjanalnaha telebačańnia.
Palityk nahadaŭ, što ŭ mai 2006 hoda Čarnahoryja, acaniŭšy hieahrafičnaje i hieapalityčnaje stanovišča krainy, «adnaviła» svaju niezaležnaść. U hety momant pazicyja Čarnahoryi na mižnarodnaj arenie, na dumku kiraŭnika respubliki, «vielmi mocna źmianiłasia». Hałasavańnie, jakoje adbyłosia 28 krasavika, Vujanavič paraŭnaŭ z refierendumam 2006 hoda.
«U Cecinie było pryniata histaryčnaje rašeńnie», - taksama zajaviŭ prezident, patłumačyŭšy, što ciapier «Čarnahoryja atrymała šerah novych funkcyj». «Ale pierš za ŭsio kraina atrymała asnovy dla zachavańnia svajho viečnaha isnavańnia», — adznačyŭ jon, dadaŭšy, što «praz hetuju sistemu biaśpieki [NATA] respublika ciapier budzie vałodać harantyjaj svajho žyćcia». «I ja dumaju, što heta samy kaštoŭny aśpiekt hetaha rašeńnia (ratyfikavać pratakoł ab ustupleńni Čarnahoryi ŭ Paŭnočnaatłantyčny aljans)», — skazaŭ na zakančeńnie Vujanavič.
Ciapier čytajuć
Paśla ŭltymatumu Zialenskaha retranślatary adklučyli? Apošnija dni rasijskija bieśpiłotniki nie nakiroŭvajucca ŭzdoŭž biełaruska-ŭkrainskaj miažy16
Kamientary