Dvoje aktyvistaŭ, u tym liku siabra ruchu «Za svabodu» Aleś Masiuk, zatrymanyja ŭ Słonimie napiaredadni siońniašniaj akcyi.
Słonimcaŭ zaprašali siońnia 1 maja na płošču Lenina, kab zapatrabavać poŭnaj admieny Dekreta № 3. Akcyja pavinna była pačacca ŭ 10.00.
«Z ranku z domu ŭ milicyju zabrali aktyvista prafsajuza REP Michaiła Saško», — raspavioŭ Aleś Masiuk sajtu Pyx.by.
Pradstaŭniki miascovaj demakratyčnaj kaalicyi pryjšli na płošču Lenina. Pa słovach Masiuka, ludziej tam faktyčna nie było, bolej — milicyi. Heta było ŭ 9.30-9.40. Praz 10 chvilinaŭ było pryniata rašeńnie zatrymać i astatnich.
«Mianie zabirajuć u milicyju na razmovu», — paviedamiŭ Aleś Masiuk. Jamu heta patłumačyli patrebu ŭ tym, što ŭčora jon byŭ papiaredžany pra niedapuščalnaść niesankcyjavanych mierapryjemstvaŭ (za akcyju 30 krasavika, jakaja nie adbyłasia).
Na hety momant aktyvist ruchu «Za svabodu» znachodzicca ŭ pastarunku, jon byŭ aznajomleny z pratakołam zatrymańnia.
-
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1313
Kamientary