Zbornaja Biełarusi paciarpieła piatuju parazu na čempijanacie śvietu pa chakiei. U piatnicu naša zbornaja prajhrała pa bulitach haspadaram spabornictvaŭ zbornaj Francyi ź likam 3:4 (0:1, 2:1, 1:1, 0:1).
Padapiečnyja Dejva Ljuisa prajhravali 0:2, zdoleli vyjści napierad 3:2, ale nie utrymalisia i prapuścili šajbu ŭ druhoj pałovie treciaha pieryjada — 3:3. Zatym byŭ aviertajm i bulity, paśpiachova pačatyja, ale ŭ vyniku prajhranyja.
Niahledziačy na heta adzin bał Biełaruś zavajavała.
U čatyroch matčach pierad hetym biełarusy paciarpieli parazy: Finlandyja, 2:3; Čechija, 1:6; Kanada, 0:6; Šviejcaryja, 0:3.
Kanada — 12 (4 hulni), Čechija — 10 (5), Šviejcaryja — 9 (4), Narviehija — 7 (4), Finlandyja — 7 (4), Francyja — 7 (5), Biełaruś — 1 (5), Słavienija — 1 (5).
U subotu Biełaruś zhulaje sa Słavienijaj (17:15), a ŭ aŭtorak — z Narviehijaj (13:15).
Słaviency siońnia biez varyjantaŭ prajhrali Čechii — 1:5.
Ale vyhladaje, što matč sa słaviencami stanie samym hałoŭnym, heta budzie bitva za prava zastacca ŭ elicie. Paraza adpraŭlaje nas ŭ nižejšy dyvizijon
Taksama mienavita Słavienii na minskim pieradalimpijskim turniry biełarusy sastupili pucioŭku na Alimpijadu-2018 u Respubliku Kareja.
Biełarusy ŭ piaci miatčach zabili najmienšuju kolkaść šajbaŭ 6 (mienš tolki ŭ Italii ŭ susiedniaj hrupie — 5), u słaviencaŭ — 10 zabitych, ale alpijcy prapuścili 27, tady jak my 22.
***
Hod tamu Biełaruś na ČS zaniała 12-je miesca (z 16 kamandaŭ). Ale pierad hetym — u 2014 i 2015 hadach — dvojčy vychodziła ŭ 1/4 finału. U elicie Biełaruś pastajanna vystupaje ad 2005 hoda
Ciapier čytajuć
Dron prylacieŭ u pasažyrski aŭtobus na miažy Rasii i Biełarusi14
Kamientary