Sud nad «baciuškam sa svastykaj»: pryjomny syn raskazaŭ, jak jeździli ŭ les stralać ź pistaleta
Praciahvajecca sud na Kanstancinam Burykinym — byłym śviatarom pravasłaŭnaha prychoda ŭ Hatavie, što viadomy jak «baciuška sa svastykaj».
«Naša Niva» raniej padrabiazna pisała pra dziejnaść hetaha čałavieka.
Čytajcie taksama. Rasśledavańnie: jak «baciuška sa svastykaj» rasparadžaŭsia biudžetnymi miljardami
Na druhim pasiadžeńni 5 lipienia sud dapytaŭ eks-pryjomnaha syna Burykina Alaksieja, jakoha baćka vyhnaŭ z chaty.
Mienavita Alaksiej u svoj čas raskazaŭ «Našaj Nivie» pra lustru ŭ formie svastyki ŭ domie Burykina, a taksama pra siamiejnyja karciny ŭ formie SS.
«Usio było narmalna, ničoha asablivaha nie zaŭvažaŭ», — raspavioŭ Alaksiej siońnia pra pieršyja hady sumiesnaha žyćcia.
Razam z hetym Alaksiej uzhadaŭ, jak Burykin braŭ jaho stralać ź pistaleta.
«Ja byŭ jašče mały. Heta zimoj było, my adpačyvali siamjoj u lesie. Kanstancin prapanavaŭ nam pastralać, pistalet dastaŭ z čachła ad ružža (Burykin — palaŭničy). Jon trymaŭ maje ruki, kab nie było addačy. Huk mnie padaŭsia vielmi mocnym, ja stralaŭ ź pnieŭmatyčnaj strelby i viedaju, što pnieŭmatyka taki huk nie daje. Potym stralaŭ moj brat, potym Kanstancin — jon zrabiŭ niekalki strełaŭ pa plaškach, ich adkidvała», — zajaviŭ jon.
Jon dadaŭ taksama, što Burykin zachaplaŭsia nacysckaj ideałohijaj — doma byli videlcy sa svastykami, niekalki furažak z arłom Treciaha Rejchu, lustra sa svastykaj, kaska.
Pavodle Alaksieja, stralali jany mienavita z taho pistaleta, jaki znajšli ŭ Burykina.
Potym vystupili ekśpierty pa zbroi, pavodle ich zaklučeńniaŭ, adzin sa znojdzienych u Burykina pistaletaŭ nieprydatny dla stralby, inšy — pry ŭmovie zamieny bajka ŭdarnika — prydatny. Zamiena, jak skazaŭ ekśpiert, robicca «za paru chvilin na kalency», a «instrukcyj poŭna ŭ internecie». Ekśpiert nie ŭdakładniaŭ, ci byŭ bajok-udarnik złamany admysłova abo pryjšoŭ u niaspraŭnaść ciaham času.
Taksama niekalki patronaŭ ź dziesiaci, što fihurujuć u spravie, ekśpierty pryznali prydatnymi dla stralby.
Małaletni syn Burykina i apieratyŭniki HUBAZiK vystupiać u sudzie ŭ zakrytym režymie — takimi byli chadatajnictvy advakata i prakurora.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary