Kamitet pa pravach čałavieka PA ABSIE pryniaŭ rezalucyju z krytykaj Biełarusi: 31 «za», 17 «suprać»

Kamitet pa pravach čałavieka i humanitarnych pytańniach PA ABSIE na siesii ŭ Minsku pryniaŭ rezalucyju «Stanovišča va Uschodniaj Jeŭropie», u jakoj krytykujucca ŭrady Biełarusi, Rasii i Azierbajdžana. Za pryniaćcie rezalucyi prahałasavaŭ 31 delehat, suprać - 17 i stolki ž ustrymalisia.

Pradstaŭlajučy rezalucyju, jaje aŭtar z Šviecyi Kryścijan Cholm zajaviŭ, što papiarednija vybary ŭ Biełarusi ŭ 2015 i ŭ 2016 hadach nie adpaviadali standartam ABSIE. Taksama pavodle jaho słoŭ, u krainie zastajucca abmiežavańni na svabodu ŚMI i schodaŭ, byli masavyja aryšty padčas viasnovych pratestaŭ.

— Ja zaklikaju ŭłady Biełarusi pavažać prava na svabodu schodaŭ i vykazvańnie mierkavańniaŭ i admovicca ad śmiarotnaha pakarańnia.

Cholm adznačyŭ, što niahledziačy na toje, što ES nie pryznaje najaŭnaści palitviaźniaŭ u Biełarusi, biełaruskija pravaabaroncy pryznajuć takimi dvuch čałaviek. Šviedski deputat taksama zaklikaŭ reabilitavać palitviaźniaŭ i admianić artykuł 193.1 KK, jaki praduhledžvaje adkaznaść za dziejnaść ad imia niezarehistravanaj arhanizacyi.

Akramia Biełarusi ŭ rezalucyi krytykujucca Azierbajdžan i Rasija jak za ŭnutranuju situacyju, tak i, u rasiejskim vypadku, za ŭmiašalnictva va ŭkrainski kanflikt.

Namieśnik kiraŭnika Pałaty pradstaŭnikoŭ Balasłaŭ Pirštuk zajaviŭ, što siesiju treba napaŭniać «abjadnaŭčymi, a nie raźjadnoŭvać» temami.

- Na žal, prajekt rezalucyi my nie možam nazvać ni kanstruktyŭnym, ni abjadnalnym. Takija rezalucyi stvarajuć atmaśfieru kanfrantacyi. Dakumient, na naš pohlad, nosić sielektyŭny, nieabjektyŭny i pieraduziaty charaktar, jaki całkam ihnaruje ŭsie pazityŭnyja źmieny ŭ našaj krainie za apošnija hady.

Pirštuk nazvaŭ prykładam hetaha sam fakt siesii PA ABSIE ŭ Minsku. Jon taksama zhadaŭ ab sieminary pa pravach čałavieka, jaki niadaŭna prajšoŭ na palach siesii Asamblei, dzie apazicyja, ułada i hramadzianskaja supolnaść abmiarkoŭvali jakraz pytańni, vyniesienyja ŭ rezalucyju.

- Dyjałoh moža być pradoŭžany, i heta było b bolš karysnym i efiektyŭnym, čym pryniaćcie padobnaha rodu rezalucyj.

Deputat zaklikaŭ kaleh pa PA ABSIE prahałasavać suprać šviedskaj rezalucy

Deputat Dziarždumy RF Arciom Turaŭ nazvaŭ dakumient praduziatym i tendencyjnym, poŭnym «rusafobskich štampaŭ». Jon prapanavaŭ uradam Jeŭropy zaniacca pravami čałavieka ŭ svaich krainach.

U słovie ŭ adkaz Kryścijan Cholm zajaviŭ, što ŭ jaho rezalucyi niama nijakaj rusafobii, jon dobra stavicca jak da Rasii, Biełarusi, tak i da Azierbajdžana: «Ja prosta chaču, kab narody hetych krain mahli vybirać svaich lidaraŭ».

Pa chodzie abmierkavańniaŭ ŭ rezalucyju ŭnieśli niekalki papravak, uklučajučy asobnuju z krytykaj Rasii za parušeńni pravoŭ pradstaŭnikoŭ ŁHBT-supolnaści ŭ Čačni.

Usie papraŭki, jakija delehacyja Biełarusi ŭnosiła, kab źniać krytyčnyja ŭ adnosinach da Minska punkty, kamitet PA ABSIE adchiliŭ.

• 0
• 0
• 0
• 0
• 0
• 0
• 0
• 0