«UKantakcie» kardynalna źmienić dyzajn svaich mabilnych dadatkaŭ ŠMAT FOTA
U aficyjnym błohu «Ukantakcie» źjaviłasia infarmacyja pra toje, što kampanija vyrašyła całkam pieraasensavać dyzajn svaich mabilnych dadatkaŭ dla pryładaŭ na iOS i Android.
Navihacyja
«Treba spraścić navihacyju ŭ dadatkach, nie achviarujučy funkcyjanalnaściu, — napisana ŭ błohu. — My zrabili heta z dapamohaj tabbara u nižniaj častcy ekranu. Sam pa sabie tabbar — ni razu nie navinka. Zaraz heta standartny padychod da navihacyi na Android i iOS. U nas jon kaliści taksama byŭ».
Praanalizavaŭšy mnostva roznych statystyk, u kampanii (biez asablivaj, zrešty, intryhi) vybrali čatyry asnoŭnyja raździeły: Naviny, Pošuk i Rekamiendacyi, Paviedamleńni i Apaviaščeńni. U piataj układcy — mieniu, dzie budzie ŭsio astatniaje.
Pošuk i Rekamiendacyi
Rekamiendacyi — heta abnoŭleny raździeł ź vialikimi ambicyjami. Ciapier jon nie schavany ŭ hłybini navinnaj stužki, a vyniesieny na bačnaje miesca ŭ novaj navihacyi. Tut prapanujecca kantent talenavitych aŭtaraŭ z tematykami, jakija buduć cikavyja kankretnamu karystalniku.
«Z punktu hledžańnia dyzajnu zadača stajała nietryvijalnaja. Treba ŭmieć pryhoža adlustroŭvać roznyja typy kantentu i prykrucić tudy hłabalny pošuk pa ŭsich raździełach, dy tak, kab adno druhomu nie pieraškadžała. My spynilisia na kartkach», — kažuć u kampanii.
Stužku z kartak zručna hartać — zvyčajna ŭžo pa prevju zrazumieła, chočacie vy pračytać zapis całkam ci nie. Vam nie daviadziecca marnavać čas i doŭha skrolić vielizarnyja pasty pierš čym znojdziecca toj, na jakim vy chacieli b spynicca. Pry naciskańni na kartku publikacyja adkryvajecca całkam, i pry žadańni možna dalej hartać stužku ŭ poŭnapamiernym režymie abo viarnucca da režymu prevju.
Stužka navinaŭ i aŭdyjapłejer
U sakaviku va «Ukantakcie» źjaviŭsia ličylnik prahladaŭ pobač z zapisami. U dadatkach heta taksama padtrymali, ale tolki na asobnym ekranie z postam. U stužcy ž navin prahlady pakul nie adlustroŭvajucca, i heta budzie vypraŭlena z abnaŭleńniem dadatku.
Ekran ź biahučaj kampazicyjaj zrabili centralnym, praduhledzieŭšy mahčymaść svajpam pierachodzić da tekstu pieśni i da płejlista. Dziakujučy hetamu ekrany nie pierahružanyja kantrolerami, a karystalnik moža zasiarodzicca mienavita na tym, što jamu ciapier treba. A asobny abrazok śpisu nie dazvolić zabłytacca ŭ ekranach — vy zaŭsiody viedajecie, dzie šukać płejlist.
Ciapier čytajuć
Na Alaksandru Hierasimieniu napali ŭ centry Varšavy21
Kamientary