Pieršy skandał paŭmarafona: «pieramožca» dystancyi na 10,5 vielmi chitra zmachlavaŭ
Žychar horada Asipovičy «zrezaŭ» adnu z dystancyj Minskaha paŭmarafona, z-za čaho pa pamyłcy byŭ abvieščany pieramožcam, piša sputnik.by.
Minski paŭmarafon prachodzić u stalicy ŭžo treci raz. Prabiehčy pa centralnych vulicach Minska ŭ honar Dnia horada vyrašyli kala 30 tysiač čałaviek.
Užo praz paŭhadziny paśla startu adnoj z dystancyj - u 10,5 kiłamietraŭ - pieramožcam byŭ abvieščany žychar Asipovičaŭ. Adnak nieŭzabavie arhanizatary abviaścili, što mužčyna pavioŭ siabie nie pa-spartovamu i «zrezaŭ» dystancyju.
Da taho, jak stała viadoma, što mužčyna padmanuŭ arhanizataraŭ, jon paśpieŭ pavinšavać u mikrafon stalicu z 950-hodździem i pažadaŭ «Asipovičam taksama nie chvareć». Kali b jon sapraŭdy tak chutka bieh, jaho chutkaść pavinna była b składać bolš za 21 kiłamietry ŭ hadzinu.
Užo viadoma i imia najlepšaha biehuna na dystancyi 5,5 kiłamietra. Im akazaŭsia Maksim Juščanka, jaki spraviŭsia z dystancyjaj za 16 chvilin 39 siekund. Jaho i inšych pieramožcaŭ Minskaha paŭmarafona čakajuć kaštoŭnyja pryzy.
Ciapier čytajuć
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ46
Kamientary