Novy Bluetooth-virus BlueBorne zaražaje susiedniuju pryładu za 10 siekund
Śpiecyjalisty kampanii Armis Labs vyjavili novy virus, jaki moža pašyracca i zaražać smartfony i inšyja pryłady praz Bluetooth biez udziełu karystalnikaŭ, piša vydańnie Wired.
Novamu sposabu ŭzłomu było prysvojena imia BlueBorne, jon vykarystoŭvaje ŭraźlivaści ŭ pratakole Bluetooth, pieradajecca z adnoj pryłady na inšuju, pryčym dziejničaje virus tak, što karystalniki nie padazrajuć ab tym, što ich sistema ŭzłamanaja.
Pa słovach kiraŭnika daśledčaha padraździaleńnia Armis Labs Bena Siery, BlueBorne moža pryvieści da takoha ž masavaha zaražeńnia, jak i virus WannaCry. Zaražeńnie moža adbycca na praciahu dziesiaci siekund paśla taho, jak pry skanavańni bližejšych pryład z uklučanym Bluetooth prahrama vyjavić uraźlivaść.
Try vytvorcy apieracyjnych sistem ŭžo zajavili, što vypuścili abnaŭleńnie dla likvidacyi ŭraźlivaściaŭ. U Apple zajavili, što BlueBorne nie strašny sistemam na iOS 10 ci bolš novym viersijam, u Windows vypuścili adpaviednuju «łatku» jašče ŭ lipieni, a Google vypuściła abnaŭleńnie ŭ žniŭni, adnak jaho ŭstalavańnie moža zaniać niekatory čas. Linux taksama raspracoŭvaje sposab abarony ad novaha virusa, adnak pad kiravańniem hetaj apieracyjnaj sistemy pracuje mnostva pryład (naprykład, televizary), jakija ci nie atrymlivajuć abnaŭleńnia, abo robiać heta zanadta redka.
Ciapier čytajuć
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ48
Kamientary