Stužka, jakaja atrymała «Załatoha lva» na Venecyjanskim feście.
«Załatoha lva» 65-aha Venecyjanskaha kinafestu, što zavieršyŭsia 6 vieraśnia, atrymaŭ režyser Daren Aranoŭski. Pryz dastaŭsia stužcy «Barec» ź Miki Rurkam.
Hieroj karciny – stary spartoviec, jaki vychodzić na rynh, niahledziačy na svoj viek.
«Treba najpierš padziakavać Miki Rurku za toje, što jon adkryŭ serca j dušu pierad kameraj i nahadaŭ śvietu, jaki jon talenavity aktor», — skazaŭ Aranoŭski pa atrymańni pryza.
Šyrokaj publicy 52-hadovy Miki Rurk viadomy pa eratyčnaj dramie «9 ½ tydniaŭ», ale aktor zdymaŭsia i ŭ surjoznych filmach.
Staršynia žury, kinarežyser Vim Venderz raskrytykavaŭ praviły Venecyjanskaha festu, zhodna ź jakimi karcina, što atrymlivaje «Załatoha lva» nia maje pravoŭ na inšyja ŭznaharody. Venderz miarkuje, što hałoŭnaja mužčynskaja rola festu – syhranaja Miki Rurkam u filmie Aranoŭskaha.
U svaju čarhu aktor pryhadaŭ, što «dva hady tamu Aranoŭski pryjaždžaŭ siudy – i pluchnuŭsia na azadak». Fantastyka-mistyčnaja karcina Aranofskaha «Fantan» pravaliłasia na feście ŭ 2006 hodzie. Ale režyseru chapiła śmiełaści viarnucca ŭ Venecyju, kab pradstavić suvoruju dramu.
«Srebnaha lva» za najlepšuju režysuru atrymaŭ Alaksiej Hierman-małodšy za stužku «Papiarovy žaŭnier»; jaje ž uznaharodzili za najlepšuju aperatarskuju pracu. Najlepšaj aktrysaj nazvali francužanku Daminik Błank («Astatnija»), aktoram – Silvia Arłanda (rola baćki ŭ filmie Pupa Avaci «Tata Džavani»).
Admysłovy pryz žury dastaŭsia efijopskaj stužcy «Teza».
Kamientary