Achviaravać na pieršy ŭ Biełarusi pomnik Tadevušu Kaściušku moža luby achvotny na płatformie «Tałaka». Kab pomnik źjaviŭsia, nieabchodna sabrać 11 tysiač rubloŭ. Ustalavać jaho płanujuć u Mieračoŭščynie, dzie naradziŭsia nacyjanalny hieroj Biełarusi, Polščy i ZŠA.
Inicyjavaŭ zbor srodkaŭ Hleb Łabadzienka. Na jaho dumku, heta samaja pravilnaja reakcyja biełarusaŭ na skandał vakoł pomnika Kaściušku ŭ Šviejcaryi.
«Samaje racyjanalnaje ziernie, jakoje prahučała va ŭsich hetych svarkach vakoł pomnika ŭ Šviejcaryi, u tym, što nie treba šukać vorahaŭ, a treba samim ušanoŭvać svaich hierojaŭ, — kaža Hleb Łabadzienka. — My sami vinavatyja, što ŭ Biełarusi niama nivodnaha pomnika Kaściušku, ale heta toje, što zaŭždy možna vypravić».
Adzin z dvuch biustaŭ Kaściuški staić na terytoryi amierykanskaj ambasady ŭ Minsku. Druhi — u vioscy Małyja Siachnovičy, dzie mieściłasia siadziba Kaściuškaŭ. Jość pamiatny vałun u Mieračoŭščynie.
«Kali ja siońnia z ranicy pazvaniŭ dyrektarcy muzieja ŭ Mieračoŭščynie i ahučyŭ ideju pastavić pomnik Kaściušku, jana skazała: «Vy, napeŭna, pračytali maje dumki», — praciahvaje Hleb. — Delehacyju ad ich muzieja jakraz zaprasili na adkryćcio pomnika Kaściušku ŭ Załaturnie, i jany abmiarkoŭvali, jak było b dobra, kab u ich taksama adkryli taki pomnik. Dyrektarka dadała, što z rajonnym kiraŭnictvam taksama kaliści ŭžo abmiarkoŭvalisia takija idei, ale, zrazumieła, vielmi časta ŭsio ŭpirajecca ŭ hrošy.
Ja pierakanany, što nie treba nikoha paprakać: ni muziej, ni ŭłady, ni Ministerstva kultury — nikoha. Bo takija pomniki pavinny być narodnymi. Kali my hanarymsia, što naša ziamla dała takoha čałavieka śvietu, jak Tadevuš Kaściuška, heta značyć, kožny pavinien dać pa kapiejcy, pa rublu na hety pomnik».
Achviaravać na pomnik možna tut
-
Ksiondz kaścioła ŭ Župranach hruntoŭna adkazaŭ na pretenzii pra ramont u chramie, dzie pachavany Bahuševič
-
Uładzimir Niaklajeŭ z nahody svajho 80‑hodździa napisaŭ sabie niekrałoh — žartaŭlivy i fiłasofski
-
U Minsku znosiać mižvajennuju balnicu pracy francuzskaha architektara. Źniščyć pomnik dapamahali dva miascovyja akademiki
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary