Žychary Homiela źbirajuć podpisy pad zvarotam z prapanovaj zrabić Dziady niepracoŭnymi dniami
U internecie pačaŭsia zbor podpisaŭ, kab 1 i 2 listapada (Dzień usich śviatych i Dziady) byli abvieščanyja niepracoŭnymi dniami.
U pačatku listapada ŭ bolšaści rehijonaŭ Biełarusi ludzi prychodziać na mohiłki, kab prybrać ich i ŭšanavać pamiać prodkaŭ. Ad 1991 da 1996 hoda Dziady byli niepracoŭnym dniom, što davała mahčymaść hramadzianam Biełarusi vykanać svoj abaviazak sumleńnia i pamiaci, ušanavać prodkaŭ, padbać pra dobraŭparadkavańnie mohiłak, adznačajecca ŭ zvarocie
U katalickaj tradycyi 1 listapada — Uračystaść usich śviatych, 2 listapada — Dzień zadušny, kali paminajuć usich pamierłych. Štohod katalickija biskupy ŭ svaich pasłańniach nahadvajuć viernikam pra abaviazak naviedać mohiłki.
U toj ža čas pravasłaŭnyja vierniki majuć svoj dzień pamiaci prodkaŭ — Radaŭnicu (aŭtorak), jakaja aficyjna źjaŭlajecca vychodnym. Taksama tradycyjna robicca vychodnym i paniadziełak, kab ludziam było zručna prybrać mahiiły. Katoliki, na dumku aŭtaraŭ zvarotu, pazbaŭlenyja mahčymaści mieć vychodnyja.
Aŭtary zvarotu prapanujuć, «u metach dasiahnieńnia sacyjalnaj spraviadlivaści ŭ hramadstvie, zachavańnia dobrazyčlivych adnosinaŭ pierad pradstaŭnikami roznych kanfiesij, zrabić 1 i 2 listapada nierabočymi dniami ŭ Biełarusi, pačynajučy z 2018 hoda, i zamacavać heta adpaviednym narmatyŭna-pravavym aktam»
Kab padtrymać Kampaniju, zapoŭnicie, kali łaska, abaviazkovyja pali i naciśnicie «dasłać». Kalektyŭny zvarot budzie nakiravany ŭ Saviet ministraŭ, Administracyju prezidenta na adras elektronnaj pošty - 7 śniežnia.
Ciapier čytajuć
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1111
Kamientary