Adchileny ad ułady kiraŭnik urada Katałonii Karles Pudždemon zajaviŭ na pres-kanfierencyi ŭ Bruseli, što nie maje namieru prasić palityčnaha prytułku ŭ bielhijskich uładaŭ i choča viarnucca ŭ Katałoniju, kali Madryd daść jamu niejkija «harantyi», piša Bi-bi-si.
Pa słovach byłoha lidara Katałonii, ŭ ispanskaha suda niama padstaŭ dla zaviadzieńnia spravy ab sprobie pieravarotu suprać jaho i jaho ministraŭ, a pahrozy ŭ ich adras kažuć pra ahresiju Madryda.
«Kali ŭłady Ispanii chočuć praciahvać vykonvać svoj płan z dapamohaj hvałtu, heta ich rašeńnie», — skazaŭ Pudždemon.
Pavodle jaho słoŭ, jon hatovy pryznać vyniki vybaraŭ u Katałonii, jakija Madryd pryznačyŭ na 21 śniežnia.
Eks-kiraŭnik rehijonu taksama zaklikaŭ svaich prychilnikaŭ supakoicca i pasprabavać paźbiehnuć kanfrantacyi z Madrydam. «My nie možam pabudavać respubliku na hvałcie», — skazaŭ jon.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam24
Kamientary